مرحبا بك في منتديات Cute Guyz


Welcome
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 ابوها وامها واخوانها....اغرب عائله سعوديه

اذهب الى الأسفل 
كاتب الموضوعرسالة
smso0oma
عايشه على الذكرى
avatar


مُساهمةموضوع: ابوها وامها واخوانها....اغرب عائله سعوديه   الأحد مارس 22, 2009 10:17 am

الروايه منقوله من منتدى اخر



انا شخصيا شاهده على هاذي القصة والله انه حقيقية
من طبعي محب المقدمات كثير فراح ادخل في الموضوع على طول
راح استعير بأسماء وهمية حفاظا على خصوصية الأشخاص الموجودين في القصة
كانت في بنت اسمها ندى هي اكبر وحدة في البنات وعمرها حاليا20سنة من اصل خمس بنات وست عيال(مشاء الله) وكانت هي في المرتبة الرابعة بين اخوانها يعني هي اكبر بنت موجودة في هذا البيت
اعطيكم نبذة عن شخصية اخوانها الأول :معاد .كان انسان طيب لكنه لايخلو من بعض العصبية في بعض المواقف الشديد ة غالبا وكان على قولتهم حق مقالب وعلى نياته فنفس الوقت.
الثاني :متعب .وكان شديد العصبية على اتفه الأشياء -شكاك-وعنده 3جوالات -يحب الأنتقاد جدا-وقريف-وشايف نفسه على الأخير (ياأرض انهدي ماعليكي قدي)وحق مشاكل ومضاربات درجة اولى.
الثالث :كان ماينعرفلو زين متقلب المزاج بس اكثر واحد هدوء وكان دلوع والديه لأنه شاطر في جامعتو-بس الطبع الي ماهو حلو فيه اذا حطك براسو ياويلك ويعرف كيف ينكد اذا يبغا ونقال كلام لأبوه لمن ينتقم من اخوانه .
هذولا اكثر ناس مأثرين فيها الباقي ماله ثأثير الا شي بسيط عليها.
ابوها بأختصار كان مدلعها بس على اتفه سبب يموتها من الضرب وبتشوفو ان شاء الله بالقصة.
امها كانت غريبة جدا بطبعها ماتحب الصغار كثير بس وقت مايتعبو او يمرضو ويصير لهم شي تخا ف عليهم وتهتم
وكان الأغرب في تصرفاتها مع بنتها ندى <<<كانت ندى تشك انها يمكن ماتكون امها في بعض الأحيان من القسوة الجسدية والنفسية ومرة تكون مع ندى كويسة وطيبة وتضحك معاها هذا الي شتت تفكيرها وبتشوفو كيف.
ندى :كانت انسانة طيبة وتعصب نادرا بس اذا عصبت تكون عاصفة وكانت شديدة الخجل وعاقلة وكانت تصرفاتها غريبة من هي صغيرة وبتعرفو كيف
وانشاء الله انا ماطول في القصة واحاول انزل كل يوم الي اقدر عليه وحاول اختم القصة بدري
انا الحين مواصلة مقدر اكمل بكمل في البارت الي جاي ان شاء الله.

الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:18 am

بقلكم شوية عن ندى
كانت ندى وهي صغيرة في المدرسة خجولة جدا وشبه ماتتكلم وانطوائية وكانت مرات تجيب الأمتياز ومرة جيد جدا
وهذا كمان حالها مع امها وابوهاخصوصا
لكن مع اخوانها وفي الشارع بالذات كانت اجرامية يعني كانت شقية وماتحب الأطفال بطبعها <<تحب تضربهم وكانت تميل لألعاب البنات اكثر من العاب البنات وحركاتها وكلامها كأنها ولد<<<ما ألومها كان قبلها 4 أولاد وبعدها ولدين وبنت وولد كمان
يعني كانت مثأثرة بطبع اخوانها الصبيانية مرة
لدرجة لمن تنجح تقول انا ناجح انا فايز ومن هذا الكلام
كانت تدخل تدافع من هي صغيرة مع اخوانها الكبار في المضاربات من بعيد لبعيد<<كانت ترمي عليهم حجر
كان ليها بنات خالات وخيلان وعمات وعمان بس كانت ماتكلمهم او تضربهم فكانو يبعدو عنها وتبعد عنهم كان ليها فقط صديقتان من المدرسة ووحدة من بنات حارتها لاغير تتسلى معاهم وقت الطفش وما تمشي معاهم كثير قد ماتمشي مع اخوانها واصحابهم يمكن قعدت على هاذي الحالة الين صار عمرها تقريبا8 او 9سنين وماتغير من طبعها بعد العمر هذا غير انها صارت تمشي مع بنات خالها وخصوصا وقت الأعياد وصارت ثتأثر فيهم حبة حبة
لأنو اخوانها بدأو يمنعوها انها تمشي وتطلع معاهم زي أول فصارت علاقتها مع بنات خالها خصوصا الي في عمرها اقرب واقوى من اول.
نجي شوية نتكلم عن علاقتها باأبوها الغريبة
كانت قليل ماتكلم ابوها او تضحك معاه كانت تستحي منه جدا جدا مرة من المرات طلبت منهم معلمة المدرسة
انهم يجيبو دفاتر زيادة لكثر موادهم فما كلمت ابوها لكن كانت تروح لأمها تقلها على الي تبغاه من ابوها يعني امها الواسطة بين ابوها وبينها ومستحيل انها تكلم ابوها الا قليل واستمرت على ذا الحال من هي صغيرة الين المتوسطة
لكن من اول مابدى يحس ابوها بخجل بنته منه الي مو طبيعي ،بدء ينقهر ويعصب على امها لأنها الواسطة بينهم والي خلاه يهتم بموضوع بنته بزيادة :انو اخواته وابوه كلموه على انطوائية بنته عن الناس وخصوصا وقت تجمع العائلة كلها وانها كانت تحب تقعد فأبعد زاوية عنهم في الصالة او الغرفة.
فعشان كذا ابوها حلف على مرته الي هي امها طلاق، أذ انها تكلمت على لسان بنته مرة ثانية.
وفعلا صارت كل ماتيجي ندى تقول لأمها شغلة توصلها لأبوها كانت الأم ترفض وتقلها :يابنتي ترى ابوكي مو راضي يجيب او يسويلك شي الا اذا كلمتيه انتي بنفسك فحتارت ندى ايش تسوي فقررت انها تكلم امها وبس لأنها تستحي من ابوها مرة وصارت ندى ياتكلم امها ياتسكت ماتتكلم وطولت على ذا الحال.
أبوها لمن شاف الحركة هاذي مانفعت معاها قرر يتخد اسلوب ثاني ،فقال لأمها واخوانها الكبار انهم يجيبوها لغاية عنده في غرفة نومه عشان يكلمها .
وفعلا مسكو ندى وبيودوها له ،وهنا كانت ندى خايفة ومستحية من ابوها مرة<<كانت خايفة لأنه متعودة تشوف ابوها كثير يضرب اخوانها الكبار بسبة مشاكلهم وأخطائهم وخافت انها تكون مسوية شي يزعله منها.
ولمن جابو ندى قدامه ماقدرت تناظر في عينه من الخوف والحيا .
هنا ابوها على طول فاتحها في الموضوع وبدون مقدمات:ندى ليه ماتطلبي اغراضك مني ليه ماتكلميني انا ابوكي ومافي بنت تستحي من ابوها ومن هذا الكلام وهي كانت تسمع بدون لاتتكلم وبعدين ابوها قلها ،هاه ياندى تبغي شي قولي لاتستحي انا ماحسويلك شي بس انتي تكلمي واعرفي اذا مو انتي الي تكلميني بعد كذا ماحجبلك شي هاه قولي ايش تبغي .
فضلت ندى ساكتة من الخجل الشديد وبعدين طلعت برى الغرفة.
استغرب ابوها وعرف انه ماحيروح طبعها هذا بسرعة فسمح لزوجته انها تكون الواسطة بينهم مرة ثانية عشان يعرف طلباتها مع اصراره انه هو الي حيبدء كلام معاها كل شوية الا ان تتعود عليه <<<فعلا كانت تحس كأنه واحد غريب بس ينقله أب او نرجعله في بعض الأمور.
تقول الحين ندى: هو الي حط الحواجز بيني وبينه من غير مايحس ،كان قليل يجي على البيت الى للضرورة, او الأكل او النوم كان اغلب وقته يافي بيت جدها(ابوه) يافي عمله (محلاته ومصنعه الصغير)وفي الصباح يكون في المدرسة كان هو مديرها.
وبسبة كذا هي ماتحس معاه بعلاقة الأب ببنته .
لكن اخوانها متعودين على ابوهم لأنه اغلب الأحيان ياخذهم معاه.
على فكرة من طبع ابو ندى انه انسان يحب ان عياله وبناته يكونو متفوقين وشطار وما يتغيبو عن المدرسة لو يوم الا للشديد القوي مرة وكان الي ينجح يجيبله هدايا ويعطيه كلام حلو لكن الي يجيب فمادة مقبول او اقل، ينكد عليه حياته ويموتهم ضرب ويحرمهم من الأسمتاع بالأجازة زي الناجحين بأنه: ينكد عليهم بالرايحة والجاية فصار الكل يعمل الف حساب للمدرسة
نتكلم شوية عن طبع الأم الغريب .مع ندى:كانت امها في بعض المرات تحب تضرب ندى بأي شي قدامها فمثلا في يوم من الأيام الأم كانت بتحني شعر ندى (يعني تحط عليه حنا) وندى ماكانت تحبها الى هذا اليوم بسبة ريحتها المهم ندى رفضت تحني شعرها راحت الأم مسكت ندى من شعرها بالقوة وخبطت راسها بالملعقة وكانت حديد عشان ندى تجلس وما تبهذلها بس .
ولمن كبرت ندى وصار عمرها 12سنة تقريبا كانت طبعا عندها اختها هدى الي اصغر منها ودلوعة امها الي كانت تحب تاخذ اغراض ندى غصبت عن ندى وبمساعدة من امهم وكانت اقوى من ندى فكانت تقدر على ندى وتضربها وهذا الشي الي يخلي ندى تخاف منها كمان .
كانت ندى تحس فنفسها بمدى كره أمها ليها لأهتمامها بهدى الزايد ، وكانت دايما بصف هدى ضد ندى وطلبات هدى مستجابة بسرعة بعكس ندى، وكان الي يموت ندى يوم تاخذ امهم شي يخصها وتعطيه لهدى قهرا في ندى او استجابة لطلب هدى وكان الي يموت ندى كمان، ان امها كانت تقلها :انا اكرهك انا ماطيقك وتدعي عليها احيان والسبب يكون بسبة شي تافه اوعدم سماع ندى لها في بعض الأحيان واحيانا يكون السبب عندما توقف ندى في وجه امها، لمن امها تسوي شي يكون مايجوز في الدين واحيانا السبب غير معروف. لغاية هذا اليوم ندى وامها على هذا الحال لكن على اخف من اول وأحسن ولله الحمد.
ندى تحاول ترضي امها بس امها ماتعطيها فرصة ،ومرة حاولت تعرف ندى سبب كره امها ليها وواجهتها فيوم كانت امها رايقة فيه. لقت الرد الي جاها من امها بكاها تعرفو امها ايش ردت عليها ،قالتلها :يابنت اصلا انا ماطيقك واكرهك كذا ماتسمعي كلامي لما اقلك شيلي الكيس ورميه في الزبالة مثلا( الله يكرمكم) ومن ذا الكلام .ونصدمت من الجواب، صح ندى ليها حركات مع امها بس كانت قليلة ومو كبيرة وفوق هذا امها طردتها من الغرفة الي كانو جالسين فيها وندى طلعت متنرفزة على الاخير وكانت تشك انها هاذي مستحيل تكون امها ولا في ام تتصرف كذا <<بس طبعا هي امها على فكرة.
وتذكرت ندى موقف لامها هنا أذكره عالسريع وبأختصار :تذكرت يوم كانت ندى متهاوشة مع اختها هدى واخوها الي اكبر منها بسنتين واسمه يزن وفي هذا اليوم كانت اصلا امها معصبة منها لأنها ضربت اختها هدى وفي هذا اليوم في الليل الساعة تقريبا2او3 كانت ندى فغرفتها وتفاجئت فأمها داخلة عليها بسلك ابيض طويل (حق توصيلة الكهربا)وووووووووووووو البارت الجاي اكمل التفاصيل انا صحيح ماطول في البارت كثير لكن ان شاء الله كل يوم بنزل جزء وما أتأخر
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:21 am

الجزء الثالث
وتفاجئت بدخول امها بالسلك الي معاهها كانت بتضربها عشان ضربت هدى
وفعلا لمن بدءت امها بضربها كان ردة فعلها انها تاخد وضعية الدفاع وبالغلط ردت السلك على امها مو بقصها
فترد السلك على رأس امه فعصبت امها بزيادة وراحت مسكتها مسكة قوية من جهة ظهرها
وراحت امها تنادي على هدى ويزن ياخدو حقهم من اختهم ندى ،وطبعا كل واحد فيهم كان مقهور من ندى على الأخير فأستغلوها فرصة وصارو يضربوها ضرب شديد وامها مسكاها ليهم.
كان ردة فعل ندى انها نهارت وقاعدة تبكي بصوت عالي وتنادي على ابوها النايم عشان يفكها منهم،ولمن فكت نفسها منهم راحت تجري بسرعة جهة غرفة نوم ابوها وامها علشان تشتكي لأبوها ويفكها ،ولقت ابوها لسة نايم فكانت تنادي عليه وهي تشهق وتبكي ،وصحي ابوها بخوف وقالها : ايش فيه .
قالتلو على الي سوتو امها معاها وعلى يزن وهدى وكانت تتكلم ببكى شديد <<من طبع ندى انها ماتحب تبكي وماتحب احد يشوف دمعتها او انها ضعيفة الى اذا كان الموضوع عندها مره كبير.
فعشان كذا الأب انصدم لما شافها تبكي عرف انو الي مسوينه معاها ش كبير،فقام وراح جهة امها واخوانها بالغرفة .
ومسك يزن وضربه وكمان ضرب هدى بس على اخف من يزن وقال لجوزته وهو يتحلف ليها انها لو سوت الحركة هاذي مرة ثانية ياويلها وقالها الي تسويه فبنتك غلط هذا بدال ماتنصحيهم عن بعض وتعقليهم وتفكيهم تخليهم يسو فبعض كذا.
هنا ندى ارتاحت شوية انه في احد أخذلها حقها وطفى نار القهر الي فيها لكن هذا الموقف خلاها تنصدم من امها كثير ،ولغاية هذا اليوم امها بتسوي فيها حركات قريب من كذا وتهزئها لكن اقل من زمان بشوية.
لكن الغريب.
ان امها مو دايما كذا يعني كانت ندى وامها كمان بينهم سوالف وضحك وتريقة وامها تخاف عليها لمن تمرض فبعض الأحيان وتشتريلها اغراض وتشتريلها الأكل الي تبغاه لكن اي شي يخص غير الأكل يكون على حساب ابوها لأن امها قالت لأبوها ان مصاريف ندى الباقية عليه من دون كل اخوانهاواخواتها وطبعا هذا مايمنع ان امها في بعض الأحيان كانت تشتريلها لبس من عندها واحيانا كانت تشتري لندى لبس وتاخذ حقه من ابوها الي هو زوجها وتحن عليها وندى تسوي مقالب فأمها ويقعدو يضحكو عليها بعدين<<يعني الأمور متقلبة امها غير مفهومة بالنسبة لندى لغاية هذ اليوم.وتحاول قد ماتقدر انها تكون بارة فيها وتدور على الي يسعد امها منها.
وبالنسب لأخوانها كانت تنضرب منهم مرة ومرة يتهاوشو ومرة يتصالحو ويصيرو عسل مع بعض << يعني مرة عسل ومرة بصل زي حال اي اخوان في بيت واحد.
ونتكلم شوية عن اخوها معاد اكبرهم :كانت تحبه كثير مرة لأنه دمه خفيف وقليل يضربها وكان يحب يوقف معاها ويشجعها على طموحاتها وأفكارها رغم انه يحب يسوي فيها مقالب كثير ويخوفها وكانت حتى لو هي الغلطانه عليه يجي هو ويصالحها ودايما مصالحته ليها تكون بشكل يضحك وبأصرار يعني مايتركها لين ترضى خصوصا لو كان يبغى منها مصلحة هههههههه طبعا هذا مايمنع انه له حركات مرو بايخة معاها بس طيبته هي الغالبة عشان كذا تحبه.
لكن اخوها متعب <<اخترناله هذا الأسم بالذات لأنه اقرب شي لشخصيته
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:23 am

الجزء الرابع
طبعا من البارت الثالث ندى كانت بعمر المراهقة وكمان فهذا الجزء وفي الأجزاء الجاية كمان، لأني ماحبيت اكتب عمرها بالتحديد كل مرة.
بديت ارفع اكمامي واشمر عن يديني عشان متعب ههههههههههه
نبدء في القصة .
هذا متعب حكايته حكاية تقول ندى عن متعب: كان متعبني في البداية مرة كثير عشان افهمه .
لأنه انسان عصبي يعني كان ناار مولعة في البيت شوفو ايش كان يسوي فيها.
تقول :انه مرة من المرات ماعرفت تسوي الشاهي <<ماهي متعودة تدخل المطبخ كثير عندهم شغالات كفاية
سوت الي قدرت عليه<< ماء حار وتحط فيه ليبتون وسكر هذا الي تسمع فيه.
المهم كانو سهرانين على الأفلام ويوم جات تقدمله الشاهي وذاقه توقعو ايش ردت فعله << مدحها وحب على راسها وقلها تسلم يدك ماعليه تعبناكي ونكدنا عليكي على الفيلم الخ الخ.
طبعا لا قالها:تفو عليكي هذا طعم شاهي روحي انقلعي سويلي شاهي جديد<< يبغى يقهرها عشان يفوتها الفلم.
ردت ندى وقالت :والله ماعرف كيف اسويه هذا الي طلع معي انا ماعمري سويته قبل كذا.
انقهر متعب بزيادة وقلها:انتي بنت انتي، اصلا انا ماأعتبرك بنت الولد احسن منك ياال------كلمة تجرحها وماحبتني اكتبها .
وانقهرت ندى على الأخير لمن قلها :انقلعي من وجهي مبغى اشوف خلقتك قدامي وخذي الشاهي من وجهي لأوريكي.
فدخلت ندى غرفتها وقعدت جواها طفشانة مقهورة مرة انها ماتقدر تسوي شي << هي السبب في تمادي اخوانها عليها -تعرفو ليه-بقلكم.
كانت ندى حاطه براسها جملة(لا ماراح اقول لأبويه على الي يسويه فيه يمكن يتغير اسلوبه معي هذا غير ان ابوية مريض مايستحمل كثير عصبية وهواش عشان السكر مايرتفع معاه)
واصلا متعب دايما يهددهابقولة:شوفي ياندى لو بتعلمي ابوية بشي راح امسكك وموتك من الضرب وعادي لو ابوية طردني من البيت انا ولد انام فأي مكان لكن انتي بنت ومالك الى البيت فراح أجيكي لما يكون ابوية ماهو في البيت وافتري فيكي ونزل منك الدم وعلمك كيف الشغل وبعدين لو قلتي لأبوية اني ضربتك راح اضربك حتى لو ضربني .الين ماأدبك وتنضربي وانتي ساكته فهمتي.
وكان كثير يناديها بألقاب جارحة وقليل مرة يناديها بأسمها.
شفتو كيف على اتفه شي يعصب هذا الي ابغى اوصلكم اياه من سالفة الشاهي.
هذا من ناحية عصبيته اما من ناحية الشك هذا بصراحة عنده مرض تقريبا.
في البارت الجاي اقلكم على عمايله فندى وكيف كان بموتها من الشك.
واستنى الردود
وان شاء الله راح احاول كل يوم انزل جزء.
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:24 am

الجزء الرابع
نبدء في شك متعب المتعب.
بدال ماأوصفلكم كيف شكه اقلكم ايش كان يسوي بندى احسن.
يالله ندى قبل ماتقلي قصته معاها ، طلعت تنهيدة مؤلمة خلتني احس بألمها قبل كلامها << عن جد الله يعينها ويصبرها.
يلا خلينا نبدء .
تقول ندى : مرة جيت من الفرح(حفلة زواج) وجبت معايا من الفرح شوكلاتة( شوكلاين وباتشي ) وخبيتهم طبعا عشان أخواني مايكلوها كلها عني هي كلها حبتين .
المهم تول ندى: كنت مره بالصالة ادرس لأن الأمتحان كان بقيله 3أيام ويبدء وكانت المادة صعبة ،المهم انا كنت حاطة الشوكلاتة قدامي وفجأة سمعت احد ينزل من الدرج بسرعة فبسرعة شلت الحلاوة وخبيتها تحت الكتاب بسرعة
وبصيت ورايا اشوف من النازل من الدرج لقيته متعب ابتسمتله ببراءة وفنفسي كنت اضحك على حركتي الي سويتها ،شوية ولا متعب بدال مايروح للباب الي يودي على الشارع اتجه جهتي مع انه باين انه كان مستعجل على الطلعة من البيت،المهم تقول ندى:انها استغربت من حركته وخصوصا انه اتجهلها وبوجهه تكشيره وبيتمشكل معاها.
وعلى طول قلها وبدون مقدمات : يلى طلعي الجوال الي معاكي بسرعة احسلك وبدون لف ودوران.
ندى هنا تقول :اسغربت من كلمته وانصدمت من تفكيره ‘وقالتله ندى:جوال ايش الي معايا سلامات ،مامعاية جوال.
رد عليها متعب بعصبية وقال :لا ياشيخة اجل ايش هو الي شلتيه ودستيه بسرعة اول ماشفتيني هاه تستهبلي انتي عليه ولا تحسبيني هندي ينضحك عليا.
هنا عرفت ندى ايش الي خلاه يفهم الموضوع غلط وردت عليه وقالتله:انت فهمت الموضوع غلط ياذكي وقالتله على حكاية الشوكلاته وانها خافت لاياخذها وفهمته الموضوع كله للأخير وخلته يشوف الشوكلاته،وقالتله على فكرة لو ابغ جوال كان جبته من زمان ،ولو تذكر ابوية قالي وانتو كلكم موجودين :ياندى تبغي جوال وانا الي رفضت لأنه ماله داعي الحين وانا وسط اهلي .
توقعو بعد ماخلصت كلامها ايش سوى << تتوقعو قلها اسف وخرج .
اكيد لا.
يوم قالتلي ايش سوى فيها انصدمت -قلت انه انسان مريض.
تخيلو تقول انه فتش اغراضها قطعة قطعة وفتش بين الكتب والدفاتر وفتش في الكنب الي حوليها ولا، كمان خلاها تفتش فنفسها تخيلو.
تقول هذاك اليوم كنت لابسه روب(ثوب البيت) وخلاني انقز وانط حتى لو كان معايا جوال يطيح وتخيلو خلاها تمط ملابسها عشان لو كانت حاطه الجوال في الأماكن هاذي يطيح << تفكيره اجرامي مايخطر على البال.
وقلتلها طاوعتيه.
قالت اكيد ولا بيتأكد شكه ونا ماني ناقصة.<<الله يعينها .
تقول ندى كمان :انه بعد ماخلص قلهاوبتهديد:شوفي لو اشوف معاكي جوال ياويلك اصلا وحتى لو طلعتي جوال من ورانا والله رح اعرف ومايحصلك خير وبعدها سكت وطلع، وهي كمان سكتت وما علمت احد عن هاذي السالفة غير لهدى اختها وبس يعني ماقالت لأبوها أو امها وقتها ،وطولت مره ماقالتلهم << تقهر ندى صح.
وتخيلو لمن ندى تطول فغرفتها تلبس كان يدق عليها الباب الين تفتح الباب ويقلها :انت ايش تسوي كل هذا ويطفشها وتقله :البس.
وقلها :ماشاء الله كل هذا لبس،وثاني مرة لاتقفلي الباب تسمعي ولا لا وطلع.
هنا ندى تقول:ماسمعت كلامه عاد هاذي المرة صعبة، اجل كيف البس وممكن احد يدخل عليا وخصوصا هنا مافي حاجة اسمها دق باب كمان<<<< فرحتني واخيرا ماتسمع كلامه.
بس يافرحة ماكملت تقول جاها مرة ثانية يوم لقاها مقفلة الباب وخلاها تفتحله،ويوم فتحت الباب لقته معصب والشر بعيونه.
وقلها انا ماقلتلك لاتفتحي الباب ولا انتي ماتسمعي يعني، ترى اذا كان فيه حبة فراسك اطحنهالك تسمعي .
هنا ندى تقول انها سكتت،وقلها مرة ثانية تسمعي -تفهمي- ولا لا قولي احسلك ،وما تركها الين قالت: ايوه افهم وبعدها الي تركها بس بعد ماأخذ مفتاح الغرفة من الباب <<يقهر.
ندى تقول هنا انها انقهرت على الأخير لدرجة شوية وتبكي وتقول :مو كفاية شكه فيه ذابحني قهر وانا ساكته.
وقالتلي خبر مفرح قالتلي:انها ماستحملت هذا التصرف منه بالذات اجل كيف تلبس يعني والباب مفتوح .وقات انها راحت لأبوها وقالتله. وهي بوقتها معصبة وفنص الكلام قاعدة تبكي عند ابوها من قهرها من متعب لمن تذكر
حركته .,وتقول لمن ابوها سمع الكلام اتنرفز من حركة متعب البايخة هذا غير ان امها هاذي المرة جت بصفها وقالت:ايش هذا الولد عاد الا مفتاح الغرفة ، ايشله فيه وفعلا كيف تلبس والباب مفتوح يعني مدري ايش بعقله .
انطفت شوية نار القهر الي فندى ورتاحت يوم جبلها ابوها مفتاح الغرفة .<<< مسكينة مادرت بعدين ايش كان مخططلها السيد متعب .
واقلكم موقف ثاني كمان قالتلي عنه رح اقوله عالسريع بدون مقدمات طويلة.
بس ابغاكم تعرفو شغله عن ندى قبل :ان ندى تدرس بدون صوت تعودت على كذا من زمان وما تحفظ بسرعة.
المهم ندى كانت تدرس فغرفة نومها مو عادتها لكن كانت بتغير جو عن مكانها القديم الي ملت منه وكانت الماده سهلة بس يبغالها شوية حفظ ،وطبعا كانت حتطلع عين ندى وهي تحاول تحفظ وتذكرت نصيحة وحدة من الشلة كانت تقلها:أقري بصوت عالي عشان تحفظي بسرعة انا مجربتها جربيها مرة منتيخسرانة شي.
على فكرة كانت ندى انسانة ذكية وتفهم بسرعة بس كان عيبها الوحيد الحفظ عندها بطيء.
المهم قررت ندى انها تجرب تدرس بصوت عالي يمكن تحفظ المادة اسرع ,وفعلا بدت تدرس بصوت عالي ،فجأة انفتح باب الغرفة بقوة مره، ونخلعت وطالعة جهة الباب بسرعة تشوف مين سوى كذا << طبعا عرفتو مين.
لقت متعب هو الي مسوي دي الحركة وعلى طول اتجه متعب لندى بسكوت وقاعد يدور ويفتح أدراج المكتب كلها.
قالتله ندى تدور على ايش. قول اذا تبغى شي اعطيك اياه قلي وانا أريحك من ذي الحوسة ,طالع فيها وقلها :طلعي الجوال ،هنا قالتله اية جوال اشبك انت منت شايفني ادرس تستهبل.
قال: لا ياشيخة قولي انتي تو كنتي تكلمي مين تو انا سامع صوتك ونا برى الغرفة وكانت عيونه مليانة غضب وشك على قولتها.
قالتله ندى وهي متنرفزة من اسلوبه الي فزعها على شي تافه :اولا يامريض انا كنت ادرس بصوت عالي عشات احفظ بسرعة المادة ,ولو صبرت شوية وتسمعت على الكلام الي كنت اقوله كان تلقاه من المادة الي انا الحين ادرس فيها .
وثانيا :هذا مو اسلوب تدخل فيه الغرفة انت عارف الحين وقت امتحنات يعني شي طبيعي تلقاني سهرانة وادرس وانت بأسلوبك هذا حتطيلي المعلومات كلها خلعتني خلعة احس دمي نشف فعروقي،وبعدين يلا مامعاية وقت كثير عشان اضيعه معك.
هنا متعب فكر فكلامها وطلع من الغرفة عشان يخليها تدرس بعد متأكد من كلامها ،وكالعادة ماطلع الا مسمعها كلمتين من التهديد حقه وانه ياويلها لو كشف معها جوال والخ الخ.
على فكرة هذا الموقف صار قبل موقف مفتاح الغرفة تو اتذكر وقت كلامها خخخخخخخ.
وهاذي من ضمن مواقف كثير صارت معاها ماقلتها كلها لأنها كثيرة .
تبغو تعرفو ايش كان مخطط متعب لندى <<< شي مرة يقهر ينرفز اكثر من الي اول لايفوتكم.
وهذاني طولت في البارت لعيونكم .
استنى ردودكم .
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:25 am

الجزء الخامس

يلا بسم الله.
قبل لقلكم مخطط متعب بقلكم شي.
ندى من النوع البيتوتي يعني ماتحب تطلع من البيت كثير هذا غير ان اهلها اصلا مايخلوها تطلع الا وأمها معاها خصوصا اذا كانت الطلعة ماهي لأحد من القرايب.
وأذا كانت للقرايب ماتطلع الا اذا كان في مناسبة أو فرح او دعوة لها من احد في العيلة أو تطلع بيت جدها بس بعد الأستأذان من ابوها .
يعني بحكم ان ندى منطقه في البيت 24ساعة فطبعا وسيلة الترفيه حقتها التلفزيون والدش.
وهنا يبدء مخطط السيد متعب وبتعرفو كيف الحين.
مرة كانت ندى جالسة على فلم كالعادة ،وفجأة جاها متعب.
وقلها بدون مقدمات :يلا انقلعي مبغى اشوفك قدامي ولاعاد تجلسي قدام الدش اصلا.
ندى ردت عليه وقالتله:ليه ايش سويت.
تقول ندى رد عليها وهو يأشر بأصباعه على راسه ورافع حواجبه:كذا مجاز عاجبك ولا مو عاجبك.
انا أوريكي كيف تسوي الي براسك وتاخذي المفتاح تعانديني هاه بس اذاكان فيه حبة براسك لأطحنهالك .
توقعو ندى ايش سوت .
اختنا في الله ندى قامت وهي ساكته ماقالت شي تقول:ماكنت رايقة ليه، وما أبغ مشاكل.
وكل يوم يجلس يطرد فيها ويهينها وعلى ذا الحال،لكن فيه يوم كان معصب فيه.
جا وقلها :شوفي ياكلبة ثاني مرة لو اشوفك على الدش مرح اتكلم اصلا ورح ادوس على راسك برجلي تسمعي يلا انقلعي يا------( كلمة تجرح ندى بقوة).
قلتلها: طيب وقتها ايش كنتي تسوي في البيت ماتطفشي.<<وخصوصا انه عندهم خدم يعني ماتشتغل.
قالت :يعني مو مرة اطفش وقتها لأني كنت اتمشى واجلس بالصور وأتأمل ،وهي تضحك تقول :واشم هوى.
أو اجلس بغرفتي اكتب شعر وخواطر وأرسم يعني أضيع طفشي،بس حتى فهذول لحقني.
قلتلها :كيف مافهمت.
قالت ندى :كنت مرة جالسة بالسور(يعني الجدار العالي الي يحيط بالبيت) وفجأة اسمع صوت متعب يسأل الخدم عني ووعن مكاني ،طبعا علموه وجاني.
وقال :مشاء الله انتي منتي عارفة انه حولينا جيران ممكن يطالعو هاه انتي ماتستحي ،اسمعي لو أشوفك هنا ثاني مرة أوريكي شغلك يا------<< سبة او شتيمة أو اهانة يعني.
وقمت ورحت غرفتي بس بطلت اكتب شي صرت أجلس عالمسجل بس.
قاتلها: ليه طيب بطلتي ايش السبب.
تقول:مرة كنت اكتب شعر حزين وكان من ضمن الكلمات هاذي الجملة>قلب مكسور.
الأخ متعب طبعا أخذ الورقة مني وقعد يقراها وجت عينه على جملة (قلب مكسور).
وقال :ايش الخرابيط هاذي وشق الورقة ورماها بالزبالة الله يكرمكم،وهو يقول:لا أشوف كلام زي كذا .
وتقول :وأعطاني نظرة حيرتني هي شك هي قهر فيني مافهمتها بس كان معصب وقتها وطلع من الغرفة.
وطلع وخلاني ميته قهر ومغبونة على الأخير.
وهنا قلت خلاص مافيها ،حشى مصار بيت صار مكان تعذيب هذا يبغ يموتني قهر بس انا أوريه لقعد على الدش والي يبغى يسويه يسويه الى متى اجلس كذا.
وفعلا، تقول ندى :بصراحة كنت اجلس على الدش بس لمن يكون برى البيت او نايم.
لكن فيه يوم صادني ونا قاعدة على الدش <<حلوة صادني.
وجا على جهتي وهو بينفجر مني من القهر لأني ماسمعت كلامه.
وتقول ندى :اصلا قبل لايمد يده حسيت ضربة جتني بس من شكل عيونه كنت أشوف النار طالعة منها ووجهه الي كله غضب وحقد.
لكن هذا لما كان بعيد عني شوية .
الضرب الي صح جاني لما فعلا نفذ كلامه لما داس على راسي برجوله كذا مرة وبقهر هذا غير الضرب على باقي جسمي من كل جانب وغير العضة الي في يدي الي نزل منها دم من قوة العضة << اشك انه انسان.
وتقول لما كان يضربني كنت ابكي بس لما عضني بديت اصرخ صراخ من شدة الألم وصراخي خلع امي الي كانت دوبها طالعة من الترويشة ولسه مالبست ملابسها.
جتنا وهي بروب الحمام وتقول اشفيه وفذي اللحظة هرب متعب وأنا لسه جالسة اصارخ من الألم وقول لأمي بصوت كله بكى :شوفي ولدك الكلب -الشكاك-المريض -المعفن الي يحسب الناس كلها تسوي زيه الغلط ،قاعدلي على الوحدة من يوم ابوية اخذ منه المفتاح.
وجلست أمي تسب فمتعب وتهاوشه لكنه شرد طبعا.
بس انا فهاذا اليوم على قد القهر والي شفته ارتحت.
استغربت منها قلتها كيف ارتحتي ونتي تو ميته من الضرب الي جاكي ابغ افهم.
قالت بعد ماراح وهرب من البيت حسيت راسي من الضغط الي فيه بينفجر وحسيت ان جسمي مكسر ومهدود لأخر درجة كأني طالعة جبل ماله نهاية وبدون لأوقف وكنت تعبانة رحت غرفتي وحطيت راسي عالمخده ونمت نومة القتيل وماحسيت بشي ابدا وأنا ليا زمان مانمت زين كان معي زي الأرق ماعمري انام زين لكن بعد الضربة الي أخذتها نمت نومة عوضتني وريحيتني عن الأيام الي مانمت فيها زين << يالله ياندى للدرجة هاذي كنتي تعبانه ومحد حاس فيكي.
المهم ام ندى علمت ابوها بسالفة متعب مع ندى.
هنا الأب تنرفز وعصب من ندى ومتعب خصوصا.<< لاتستعجلو حنقلكم ليه عصب على ندى.
أبوهم خلى امهم تنادي ندى بالأول ،وتقول ندى :انا خفت بس رحتله على الغرفة خفت ان مارحتله يعصب زيادة ولما جات عيني بعينه نزلتها على طول من الخوف وبدء هو بالكلام على طول .
قال:تستاهلي الي يجيك احسن الي يسوه فيكي وكان يتكلم وهو معصب على الأخير.
هنا ندى تقول:انصدمت من كلام ابوية ماأتوقعته يقول زي كذا وأنقهرت فوق القهر قهر ونزلت لاأراديا دموع من عيني بدون لا أطلع صوت او أبكي بس نزلت دموع بس.>> بعدين عرفت ليه قال كذا أبوية .

ابوية لمن شاف دموعي ،كمل كلامه وقال:اذا نتي ماتتكلمي وتقولي انا كيف رح اعرف وأوقفه عند حده انا ماني علام الغيوب يعني لو ماقلتلي امك ماكنت رح اعرف ،الىمتى يعني تستحي مني انا ابوكي وان جلستي كذا ماتعلميني رح يتعشو فيكي ،طبعا متطمنين انك مرح تقوليلي ،وخليكي على هذا الحال الين مايموتوكي بعدين قولي الحقني على الأخير ترى مو كل مرة تلقي احد يتكلم عنك وسكت.
وبعدين خلى امهم تنادي متعب.
ويوم شرف متعب ،تقول ندى:هزئه ابوية وأعطاله مرشح طويل عريض ونبهه وهدده بأنه لو قرب مني ياويله وحاول ابويه يرميه بالعلبة الي جنبه لكن متعب بعد عنها بسرعة .
وصار يكذب ويقول عشان يبرء نفسه ويطلع نفسه مو غلطان قال كلام خلاني اموت الف مرة من القهر والضلم الي أسمعه وما معي دليل أثبت فيه برائتي.
صار يقول لأبوية :انا ضربتها ومنعتها عن الدش لأنها كانت تقعد وتشوف حاجات وصخة على الدش.
وهنا تقول ندى :انا ماعرفت اقول شي غير كل يرى الناس بعين طبعه وسكت لأني بهواية كنت اقوم وأضربه والي يصير يصير-بس طبعا ماقدرت واكتفيت بأني قلت لأبوية :والله كذاب لاتصدقه هو سوى كذا عشان يحسبني اعانده على قصة المفتاح الي جبته منه.
وهنا ابوية طرد متعب بس بعد ماتوعدله زين ،بس قبل ماأطلع قلي ابوية بعد مراح متعب :اسمعي تبغي تقعدي عالدش خلي احد يجلس معك تسمعي.
هنا ندى تقول:انصدمت من كلامه ومت قهر وقلت بقلبي يالله ليه محد يثق فيه.
اه ونسيت لقلكم ترى حتى المسجل منعها من انها تتسمع عليه وكسرلها كل الأشرطة حقتها<<حقير.



بس انا أتذكر كلمة لندى، قالتها لي انا عن نفسها فحياتي ماأنساها لأنها مرة حلوة وعجبتني وخلتني احترمها فوق محد يتصور ، اذا الكلمة عجبت ندى انها خطرت فبالها مابالكم انا عاد.
قالتلي ندى اصلا انا حلفت ونذرت على نفسي ماأشوف منظر حرام وخصوصا الصور والمشاهد الوسخة
ودعيت على نفسي بالموت وأن ربي ياخذ عمري ان شفت أو حتى حاولت أشوف شي زي كذا .
طبعا انا غرت وسويت زيها .
كذا خلص هذا ا لبارت
بس تبغو تعرفو ايش التصرف القاسي الي سواه ابو ندى معاها.
وهل أثر كلام الأب فمتعب ولا لا.
استنونا في البارت الجاي .

ولا تنسونا بالردود الحلوة.
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:26 am

بسم الله
تعرفوني انا وحده محب المقدمات كثير فرح ادخل على طول عالموضوع.

ما أدري ايش الي جاب هاذي السالفة على بال ندى فجأة وحنا كنا في سالفة الكمبوترات.

قالتلي :ذكرتيني بأبوية الله يسامحه صح انه مدلعني بالفلوس واحس انه يحبني واحيانا يحس فيني بس كل ماأتذكر موقفه معايا ذاك اليوم استغرب .

شوقتيني يلا بسرعة قولي.

ضحكت ضحكة مع الم حسيتها << ضحكت على الهبل والخبال الي كنت اسويه .
وقفت ضحك وقالت: اسمعي بس بشرط ابغاكي تقولي رأيك بصراحة بلي تسمعيه.
قلتلها :طيب .
وكملت وقالت:فيه يوم كنت كالعادة جالسة على الدش بس كان وقتها ليل المهم انا كنت في الصالة ومدري عن الي برى الصالة مين او ايش قاعد يصير برى حتى.
وشوية ولا تجيني الخدامه وتقول:يلا بابا كلام في عشى .
وطبعا العشى كان فمكان غير الصالة فغرفة كانت بعيدة عن الصالة الي كنت فيها.
المهم قلت للخدامة :لا خلاص قولي بابا انا خلاص في عشا مافي جيعان،وراحت الشغالة وماجات ثاني.
وشوية كمان :جاني يزن ويقول:يلا يابنت يقلك ابوية العشا.
قلتله :خلاص قله تعشيت قبلكم.
وبعدها :رسلي اثنين من اخواني الصغار ويقولو ليه نفس موال العشا .
بس طبعا كل واحد جاني الحال ومو بوقت واحد .
المهم قلتلهم :هو العشا بالغصب خلاص انا والله اكلت خلاص قلوله تعشيت.
وبعد هذولا الأثنين طول شوية محد جاني.
لكن في الأخير جاني معاد اكبر اخواني الي اقلك عليه انه طيب وحبوب والخ الخ.
المهم اتجه جهتي ووقف قدامي مباشرة وطبعا انا كنت جالسة عالأرض وقتها يعني --كان واقف فوق راسي تماما.
وعلى طول قال :والله ماليه شغل ابوية هو الي قلي ،وشوفي شوفي،وفجأة فجأة .طرااااااااااااااااااااااااااااااااااااااخ.
تعرفي هذا ايش كان.،وأنا على نار استناها تقول.






كان كف عمري بحياتي ماأنساه .
خصوصا وان يده كانت يد رجال كبيرة اخذ مساحة خذي كلها ،هذا غير اني نصدمت من حركته .
،وصرت ماأشوف غير اني اقوم وأضربه عالحركة الي صارتلي منه اصلا مدري من وين الشجاعة والقوة الي جاتني ذاك اليوم<<وجلست تضحك الأخت ندى على تعابير وجهي من صدمتي في جرئتها الي جت فجأة.

هنا أخليكم مع كلام الأخت ندى مرة ثانية بعد مابطلت ضحك:لاتسويلي ذي الحركات احس اني مجنونة معرف اكمل ولا اضحك(انا سكتت وقلت ,طيب) ايوى كذا خليني اعرف اتكلم ،المهم فعلا هنا مديت يدي عليه بس يادوب جته ضربة مني على صدره الا ومسكني من شعري وصار ظهري منحني لأنه ماسك شعري وشاده جهة الأرض وموديني لأبوية
ولمن وصلنا عنده ترك شعري وهنا قعدت ابكي وقول لأبوية :شوف معاد الكلب اعطاني كف من دون سبب بصوت عالي من قوة عصبيتي وقهري يومها، حتى لون وجهي تغير،والي زاد الطين بله .
لما ابوية قال: احسن واقله يزيدك كمان كم مره وانا ارسلك.
هنا صرت اقول: طيب انا تعشيت قلتلهم مبغى عشا ببكى طبعا.
وبعدين لما جم اخواني لي انا
محد قال ابوية يبغاكي كلهم يقولو ، ( يقلك ابوية العشا ونا كنت اقلهم مبغى عشا.)
وطبعا هنا ابوية ولع زيادة مني اني، ليه ارد وبعصبية كمان .وكنت ماني بوعي وبعقلي من كثر مانقهرت وعصبت ذاك اليوم اصلا.
طبعا الكل كان متجمع للعشا.
ومدري يومها امي قالت كلمة قهرتني بزيادة بس ناسية ايش.
ولمن قعدت اطالع عالموجودين يومها لقيت متعب بينهم ويطالعلي كمان بس كان ساكت ماتكلم كلمة يومها،هنا لمن حسيت الكل ضدي >مدري ليه، وكمان محد أخذلي حقي من معاد،هنا قررت اني انتقم لنفسي.
وقلت انا اوريك يامعاد وسمعته كلامي وقلتله وانا طالعة السطح:رح اقطعلك اسلاك دش غرفتك انا اوريك كيف تمد يدك عليا.
وهنا قال معاد لأبوية :ابوية ترى ندى رايحة تقطعلي اسلاك الدش.
هو معاد يقدر يمنعني ويضربني وقتها، بس عندنا ممنوع احد يضرب الثاني وابوية موجود.
انا كنت واصلة وقتها باب السطح أقطع الأسلاك وسامعه ابوية يقول لمعاد: خليها بس تقرب صوبه لأوريها واكسرلها راسها وكان على الأخير معصب باين من صوته.
وانا والله اصلا ماكانت عندي نية اسوي شي بس كلام بس زي مايقولو سويت هذا كله فشة خلق ابغ اقهر معاد ،هذا غير اني اصلا خايفة من ابوية وخصوصا لمن سمعت صوته وهو معصب.
ودخلت السطح لكن ماسويت شي غير اني جلست فيه وكانت الدنيا ظلمة يومها وجلست فزاويا من زوايا السطح اهدي نفسي.
ماقعدت شوية الا وطالع ابوية ورايه ووراه الوفد حقنا (اخوانها تقصد)واتجه ابوية جهتي بعد ماولع لمبات السطح وكان معصب مني كأنه له شهور وسنين حاقد علي.
وبدون ينطق ولا كلمة حتى .
مسك راسي من شعري وخبط راسي بالجدر حق السطح وكان جدار السطح (خشن شويه بسيطه) طبعا خبط راسي بأقوى ماعنده بس كويس انه سوى كذا لأنه اول ضربه كانت على راسي قوية وبسبتها احس راسي تخدر فصار لمن يخبطها مرة ثانية ماأحس بشي غير بدوخة بسيطة واني ماأشوف زين.
وبعدها رماني زي القتيل وراح وخلى اخواني كلهم ينزلو قبله ونبهني انزل بعده.
وفعلا نزلت واعطيتها نومة ولا احلى وخصوصا ان الدوخة نومتني بسرعة.


وسألتني عن رأي بس الي جا في بالي وقتها (قل خيرا أو اصمت) وسكتت وهي حست اني ماحبيت اقول رأي وقدرت موقفي.
وانا شكره ليها.
هذا بالنسبة لموقف ندى مع ابوها.
لكن بالنسبة لمتعب بعد تنبيه ابوه ليه صار شوي يبطل يضرب فندى بس لسانه لغايةهاذي الأيام ماسلمت منه من ناحية ذل واهانة وتحطيم فنفسها لدرجة على قولها تحلف تقريبا لها سنتين ماتحب تشوف نفسها في المرايا من كلام اخوها.
بس تبغو تعرفو هل تعامل أهل ندى معاها قاسي وبالبهدله هاذي لغاية هذا اليوم ؟

وايش نفسية ندى اليوم.

ايش الي ندى تفاجئت فيه من نفسها وماتوقعته.

هذا كله بالبارت الجاي

وعلى فكرة البارت الجاي فيه مفاجئتين ليكم .

واذا مافي ردود حلوة مرح اقولها<< تهدد قال. وروها شغلها هي الثانية.
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:28 am

بسم الله الرحمن الرحيم
اولا:اتشكر كثير للي اهتمو للموضوع وارسلهم احلى الورود.

ثانيا :ماتبغو تعرفو ايش المفاجئة الأولى -----------------













اقلكم ---------------------------<< يلا لاأطلع الحين وأموتك كل شوية نمشي وراكي مصختيها عاد.



^^^^ الله يخليك بس شوية << بيني وبينك ابغ اتعبهم شوية كفاية مدلعاهم بأني ماأتأخر عليهم كثير.


ههههههههههههه اعرف زودتها بس المفاجئة الأولى هي انو هذا البارت هو


الأخير ( the end )


انتو تعرفو ان المدارس على الأبواب يعني ختمنا لعيون الناس الي حتتركنا وتودعنا وتنقلع للمدارس والجامعات ههههههههه<<امزح شيلو كلمة تنقلع وحطو كلمة توحشنا.


وعلى فكرة ندى ماكانت حابة تنشر قصتها لأنها في البداية خافت من متعب لكن وانا اختكم اقنعتها وقلتلها مرح اقول اسماؤهم وبعدين انا ابغ اشوف قصتك ايش ردة فعلها عند الناس وبعد اقناعها من التردد الي كانت فيه وافقت << طيبة على طول توافق.<< ايش معنا هاذي المره سوتيلنا مقدمة يعني غثيتينا.


^^^^ لسانك طويل على فكرة احرجتيني قدامهم ^^^^^^ رح ادخل في الموضوع اف منك.

يلا نبدء مع ندى ونفسيتها بسبة الي شافته الي قلتلكم عنه والي اخفيته عنكم.

تقول ندى :لو ما الأنتحار حرام كان زمان انتحرت وانا قربت مرة من اني انتحر لكن كنت اشوف النار قدامي
واني اموت كافرة وكان هذا الي يردني بقوة .
وكنت كمان احاول أعذب نفسي بس على خفيف<<كيف يعني خفيف.
يعني مرة كنت اعض عى يدي الين احس بالألم واحب اقرص نفسي في بعض الأيام لنفس السبب.
وكنت مرات لما اعصب احب اجلس في أظلم مكان في البيت واعاتب نفسي وأحاول أوقف بكاي واحيان احب افرغ غلي وقهري في الكتابه والشعر والخواطر .
وكنت دايما أحس ان الي يبكيني فعلا اني ابكي.
وخصوصا يوم ابكي على موضوع تافه وهذا يقهرني لأني حساسة من اي كلمة وهذا الشي الي ماأحبه فيني.
بس على قد ماأبكي كثير ماأخلي احد يشوفني وأنا ابكي الا اذا ماقدرت امسك نفسي وخصوصا لمن يضلمني احد
هنا الي مقدر امسك نفسي من البكا ء.
وانبسطت يوم اطلق علي احد من افراد العائلة لقب(ذات الدموع الجافة) لأني من دون كل البنات كنت اقل وحدة ابكي لدرجة اني انضرب احيان وماأبكي.

وكانو يقولو اني قوية في التحمل ماينخاف علي ابدا.<< كذا كفاية.

تعالو نشوف ايش الي ندى اكتشفتو في نفسها وما كانت تتوقع انه ممكن يصير معاها في يوم من الأيام :

أنزلو تحت .

وهنا المفاجئة الثانية---------------------------------------- سمعتو اقلكم المفاجئة الثانية.







كمان




كمان





خلاص ثقلتي دم صح .

المهم.

ندى تقول:الي فاجئني من نفسي اني حبيت متعب وصرت اضحك معاه كثير واخليه بعد يضحك مني .<< << << << << صدددددددددددددددددددددددددددددددددددددمة صح.


وحبيت كل أخواني وأهلي لدرجة ماأفكر في يوم اني ممكن استحمل اني افقد احد فيهم او نبعد عن بعض .

تبغو تعرفو اكيد ايش الي قلب ندى كذا <<<<<<<<<<<<<<<<<<<<<< أذا كنتم ملاقيف زيي هههههههه.

بتقلكم ندى :الي صار وخلاني احبهم ------------------------------------------------- بصراحةوبأختصار

(اكتشفتهم.)
وأكتشفتهم يعني بصراحة بديت افهم شخصية كل واحد فيهم من الوالد والوالدة الين اصغر من في البيت.
وكتشفت التالي.

الوالد:كان ولا زال، واحد دمه حار يعصب بقوة من اقل كلمة يقولها وماتنسمع ,حتى لو كانت تافهة ،وانه طيب جدا ويفهم شعور الي حوله لما يكون رايق واعصابه هادية ويضحك ويمزح كمان ومايقصر اذا شديت الحيل بالدراسة ابدا ويكافيء الناجحين بتلبية طلباتهم وانسان ذكي وغامض.

الوالده:بصراحة مافهمت شخصيتها بالحيل بس الي قدرت اكتشفه انها حساسة وتنقلب نفستها بسرعة ومرات تكون رايقة وفرفوشة ياسلام عليها ومرات الله يهديها العكس والكلام الي تقوله لما تكون معصبه او مضايقة صح انه يجرح كثير مرة بس في الأخير الكلام مو من قلبها احس كذا أحيان والله العالم.

معاد:انسان طيب وحساس بس مايبين لأحد وكثير يتحمل وحق مقالب درجة اولى .

متعب:(جينا للي تحبوه صح هههههههههههههههههههه)انسان تراه طيب وكريم وعسووووووووووووول عالأخير
بس لازم تلبي له كل طلباته وبدون اعتراض وشوفو كيف يصير عسل وحبوب ويمكن أكثر ،لكن لسانه احيانا يبغاله قص لأنه غالبا يحب النقد كثير والتعليقات.
وهو كمان عصبي جداجدا اكثر من ابوية وهذا الي ينفر الناس منه للي مايفهموه زين.
وكثير تحسن معي لما ولله الحمد نجحت في جميع الأختبارات الي سواها لي بفضل الله لما كان يشك.


يزن :انسان هادي لكن اذا مخه تربس تربس مافيها كلام يصير زي الحجر ومتفهم ورقم واحد في المزح والتعليقات المضحكة وله نذاله في بعض الأحيان ويكسح في الناس اذا ماكان رايق ههههههههه وعلى هذا الحال يعني تقدرو تقولو متقلب في المزاج نوعا ما وتصرفاته غير مفهومة احيان .

وباقي الأخوة والأخوات صرت متفاهمة معهم وطبعا هما لسه اطفال مراهقين يعني لسه بخبالهم هههههههه.

طبعا في الأخير الأهل لايخلون من بعض الحركات القديمة من اهانة وسب وضرب بس الحياة تمشي ماتوقف.
يعني مرة يبكوني ومرة يفرحوني وعلى ذا الحال.

لكن بعد مافهمتهم واستوعبتهم صرت اعرف اجاريهم وكيف امشي مع التيار بدون لاأغرق زي اول.


التغيرات الي صارت وندى عمرها 20 يعني في هاذي الأيام شوفوها.

ندى تقول:يالله كنا فين وصرنا وين.


الأن انا اتكلم مع ابوية واضحك معاه هاذي وصرت قريبة منه اكثر لكن للأن استحي اطلب منه مباشرة المال بالذات مادري ليه سبحان الله.

صرت اتقرب من امي اكثر عشان افهمها واحاول اخليها تحبني مثل حبها ليزن والله يقدرني على كذا ان شاء الله.

انا ومتعب صرنا اصحاب وقريبين من بعض اكثر وكذلك الحال مع بقية الأخوة،لكن الحين متعب استلم هدى بدالي هههههه الله يعينها بس هدى اقوى مني ماينخاف عليها. لكن أحيان متعب ليه طلعات تنرفز معايا بس اقل من اول بشوي.

وانا طبعا ندى.
صرت اكثر انوثة وبعدت عن اجواء الأولاد والعربجة والأسترجال من يوم دخلت ثاني متوسط تقريبا.
وكرهت الحركات الولادية جدا.
واحتفظت بالجانب الحلو منها مثل الشقاوة شوية والرياضة شوية والحمدالله.

بس يارب اتوفق في جامعتي وافرح اهلي.

وعلى فكرة شلت من راسي الخبال الي كنت اسويه من سالفة انتحار وتعذيب وكلام ،كنت هنا وقتها في بداية المعاناة وما افكر بعقل.

وكمان اكتشفت اني بصراحة ضعيفة وماني قوية كثير بس محب ابين ضعيفة قدام احد.

بس الي ماتغير:
اني لسه حساسه .
ومحب احد يشوفني ابكي.
واسكت عن حقوقي كثير مرة.

والي غير افكاري طبعا كتب الدين وكتب اخرى مفيدة .



وندى وصتني اقلكم شغله مهمة بالنسبه ليها:


انكم ماتدعو على اهلها هاذول مهما كانو اهلها .
والي عنده دعوة خير يقولها او يسكت .
وتشكر كل من اهتم بقصتها ووصلها سلام.

بالنسبة لي انا اوركيدا:
انا كنت قاصدة اذكر الجانب المحزن بقصتها فقط في البداية عشان تصير النهاية مفاجئه وهي تحول حياة ندى من الأسوء للأحسن عشان تصير النهاية سعيدة .

واتمنى مايكون اسلوب كلامي وكتابتي طلاسم عليكم وانكم انبسطتو معايا مثل ماأنا انبسطت معاكم.

وبصراحة اتمنى انكم تقولولي ايش ردة فعل مشاعركم من القصة حقيقة بدون زيادة او نقصان.
وعسى اسلوبي عجبكم <<الله يستر.
ومع السلامة استنى ردودكم الحلوة ولاتبخلو رح اقرى كل رد يجيني ان شاء الله.
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: ابوها وامها واخوانها....اغرب عائله سعوديه   الأحد مارس 22, 2009 10:29 am

تم الانتهاء من وضع الروايه
الرجوع الى أعلى الصفحة اذهب الى الأسفل
 
ابوها وامها واخوانها....اغرب عائله سعوديه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبيه :: قصص وروايات-
انتقل الى: