مرحبا بك في منتديات Cute Guyz


Welcome
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 مستحيل اعيش من دونك>>> روايه كويتيه

اذهب الى الأسفل 
كاتب الموضوعرسالة
smso0oma
عايشه على الذكرى
avatar


مُساهمةموضوع: مستحيل اعيش من دونك>>> روايه كويتيه   الأحد مارس 22, 2009 11:11 am

روايه كويتيه منقوله



مستحيل أعيش من دونك
هذا عنوان روايتي اللي دارت إحداثها في دوله الكويت وهي قصة واقعيه نسجها القدر وكتبتها الضروف,وعشان
اكون صريحه وياكم انا قررت اكتبها لمعرفتي الشخصيه في بطلة
القصه الاولى,تعرفت عليها في ثانويتي كنت
في اخر كورس في الثانوية وكانت البطله تكبرني بسنتين تقريبا 0
حسيت ان فيها اختلاف من بين باقي زميلاتي وصارحتها بشعوري
وطلع حدسي في محله وبدات تروي قصتها اللي بسببها تاخرت دراسيا
وعشان ماامللكم ببدا في القصه مباشره ,وسلوبي في قصتي هذي
اخلي القارئ يقرب من الشخصيه ويسمع القصه مباشره من البطل
وقرب من ادق التفاصيل عشان يقدر يسمع ويشوف من خلال القراءة,
وسمحوني اذا زل قلمي او اذا لم تحوز قصتي على اعجابكم ’
الحبن استأذن بخليكم مع البطلة من الفصل الأول من القصة




رهام
انا بنت كويتيه عاديه اعيش حياتي مثل اغلب بنات الخليج,من اسره احواله الماديه جيده,واصلي بدويه يعني من احد القبايل المعروفه في الكويت,افراد اسرتي ثمانيه مع امي وابوي(4بنات وولدين والبنات هم الاكبر)ترتبي الرابعه بين اخواني واشهر الشخصيات في قصتي من خواني (منيره –مشاعل -فاطمه)لانهم لكبار,وكاغلب العوايل في الخليج وجود بيت يتجمعون فيه خميس اوجمعه,وهذا البيت بيت عمي "محمد"وبلاساس بيت جدي الله يرحمه,وكان بيت عمي كل خميس يكتض في بنات العايله اللي اعدادهم قولوا مشاء الله ثلاثين
وحقيقتي المره اني كنت لين عمر 14سنه ضايعه بطوشه تقدرون اتقولون البطل الصامت وماكان لي أي دور سوى المطاريش (رهام جبي هذا ..رهام حطي ذاك )
وكنا في اغلب العطل مثل الصيف والربيع نقضيها مع بعض مخيمات او سفر وشالهات,يمكن بتقلون وناسه بس كان بنسبه لي روتين ممل,ومع وضيفتي اللي كنت اسويها للاسف كنت مرسال غرام بين شباب وبنات العايله وطبعا كان نص شباب العايله مايعرفون اسمي واذا تازموا قالوا تعالي يابنيه"آآآه كنت مصخره ليش ذكرتوني"
وطبعا تسالون نفسكم ليش هذا التجاهل من الكل,عشان اكون صريحه في ثلاث اسباب الاول لاني كنت صغيره ونتفه ومافيني شي يجذب مثل غيري من بنات عمامي, وثاني كثرة العدد في العايله, وثالث يرجع لشخصيتي كنت خجوله واميل للعزله واعيد واكرر ان هذي كانت فتره من حياتي لين كملت14سنه
برد لجمعتنا "بنات العايله"كبان حديثهم في كل جمعه ينقسم قسمين الاول احاديث منوعه من اهتمامات البنات سواء في الموظه او المكياج والقسم الثاني لاشهر شخصيه في العايله "السوبر ستار"مشعل ولد عمي محمد,كان الحديث عنه طويل بس كله ذم في سلوكه وتصرفاته وشلون شافته مريم مع بنت جيرانهم وشلون اسمعته فاطمه اكلم وحده وللي شافته يغازل امس في السوق وووو.....,شقول وشخلي
بس على خرابطه هذي كان فيه شيئين مايختلف عليهم اثنين الاول انه اجمل شباب العايله وثاني حبه لدراسته اللي خلاه يتفوق وكمل دراسته بأمريكا
خلوني ابدي معاكم من نقطة تحولي في سنت 2001 قمت من النومي كلعاده نزلت الصاله لقيت امي وبوي وخواني يتريقون
ابومحمد:صباح الخير على بنت ابوها
حبيت راسه وراس امي:صباح النور لكم كلكم
ام محمد:تعالي تريقي حبيبتي
رهام:انشاء الله يمه
مشاعل:مدلعينج رهام اليوم بزياده
ابومحمد:والله رهام من زمان عيون ابوها واللي مو عاجبه كيفه
ام محمد:افى ياابو محمد والباقي
ابومحمد:غالين وفي القلب بس رهام غير
فاطمه:اموت وعرف اشمعنا رهام
ابوي:انتي مو بتموتين من الفضول من اللقافه ههههه
وكلنا ضحكنا وهذا عادة ابوي لازم يضحكنا الصبح عشان برايه يكون يومنا كله فرح
فاطمه:لاتتهرب من الرد يا ابو محمد جاوب
ابومحمد:بدون لحد يزعل رهام حنونه وهاديه ومتاكد من كل تصرفاتها انها بنتي العاقل
ام محمد:أي والله رهام من بد بناتي احس انها بتكون اصبر وحده فيهم وأحكمهم
منيره:يبه امدحنا لو خميس واحد مثل رهام ترى احنا اللي مو وياك في البيت
مشاعل:يعني اسبوع انا وثاني منيره وثالث فاطمه"لانهم مزوجات"
ابومحمد:كلكم غالين من غير مامدح
فاطمه:لا امدحني ماتبي تمدحني ولا شلووووووون
ابومحمد:فطوم الحلوه الشيخه العاقل هههههههه
ام محمد:منيره ترى اليوم بنروح بيت عمكم
منيره:شنو جديد كل اسبوع عندهم
ابومحمد خذا حمود اخوي وطلع:نوره الساعه سبع خالصين
ام محمد:انشاالله يا ابومحمد
ام محمد:اليوم في حفله مسويتها مرت عمكم محمد
فاطمه:حفله ليش
منيره:يمكن مشعل وصل
ام محمد:أي مشعل رد وامه مسويه حفله
فاطمه:توكم اتقولون مدري شلبس
مشاعل:البسي البدله السلفر(رمادي)
منيره :بدق على سعد يجيب عقد الالماس
واستمرو اناقشون امور الحفله وشنو راح يلبسون ,اما انا كنت افكر شلون اقعد في البيت وقنع امي تخليني’لاني مثل ماقلتلكم اميل للعزله ومااحب الزحمه ولا الروتين الاسبوعي الممل ,وبلفعل لقيت خطه تفكني من الحفله وحضورها
رهام:يمه يمه ؟؟
امي:تعالي يا رهام انا بغرفتي
رهام:يمه انا تعبانه بطني يعورني
امي :من شنو شنو ماكله ولا حاشج برد من المكيف كم مره قلت قصريه
رهام :مادري
امي:خلاص اشربي شي دافي ونامي وتصيرين زينه واذا حسيتي بزيادت تعب تعالي اقول لبوج يوديج المصتوصف
رهام :لا يمه ماله داعي بنام
رحت وفكرت بخطه ثانيه لان خطتي فشلت ,,,,,وساعه 6
امي:رهام عسى راح العوار
رهام:راح بس فيني نوم خليني وروحي الحفله
امي:أي قولي من الاول انج ماتبين اتروحين شوفي اذا على قولتج فيج نوم نامي في غرفة ساره بنت عمج بس قعده مافي سامعه مجنونه اخليج بروحج!
طبعا رضخت لراي امي وماقدرت اقاوم ورحت اكشخ ولبس بس كشخت بنت عمرها14 سنه,لبست نفنوف ازرق مزموم من الصدر والايدين ولين الركب كان فيه قصات وشرايط كان حلو ومناسب عمري مشطت شعري الاسوداللي كل العايله تشهد انه روعه في الجمال سوئ طول او كثافه او نعومه وابوي يعشق انه يمشطه وسويه اخيوط الحرير ,حطيت قلوس"مرطب"وهذي كانت كشختي
لبست وجهزت ولبسو خواتي ورحنا الحفله
كانت مرت عمي مو مبقيه احد ماعزمته ولكل كان كاشخ ,وطبعا تجمعنا كلنا بنات عمامي وقعدنا الصاله الداخليه او مقر التجمع مثل مانسميه وبدت السوالف واكذب عليكم ان قلت اني كنت مو مستمتعه لانه أي بنت طبيعيه تستانس بسوالف مع قرينتها ,وبين ما كنا نسولف طلبت مشاعل من اجيب ماي حقها,ورحت المطبخ لقيت مرت عمي تعطي اوامر لسيرفس اللي جايبته وقبل مااطلع نادتني
مرت عمي:رهام حبيبتي ممكن تروحين غرفتي اللي فوق راح تلقين على التواليت علبه مخمل اخضر فيها عود آسفه ماقدر اخلي الخدم ادشون الغرفه ولا مااعنيج
رهام:عادي ياعمه ماطلبتي شي
رحت لطابق الفوقي اللي كان عكس الطابق الاول كان هادي حد السكون تسمع فيه دب النمله ,دخلت الغرفه وكانت مرتبه واول ماقربت من التواليت سمعت صوت خرفشه طالعه من غرفة الملابس اللي داخل الغرف
رهام:منو......منو داخل؟؟؟؟
وقفت الخرفشه وخفت
رهام:منو ؟؟؟منو
وفجاه طلع آخر واحد كنت اتصور اني اشوفه خصوصن بهلقرب
رهام:مش......عل"بصوت متردد"
مشعل:منو انتي؟؟ليش داشه غرفة امي ياشيطانه"ببتسامه ونوع من السخريه"
رهام:انااااا....ر ..رهام
مشعل:هلا رهام شلونج "بكل برود" "على اساس اني بنت صغيرونه "
وقرب مني وباس خدي وطلع,بكل برود طلع وهو يدندن ,تصنمت في مكاني وحسيت مثل تيار من الكهربا لسعني,نسيت شنو جابني فوق ,وبيني وبين نفسي اقول هذا مشعل اللي يذمونه كل بنات عمامي باسني اللي مايستحي ,وبدون شعور بدت ادموعي تنزل على خدي ,خفت اذا درو بنات عمي وخواتي شراح يقولون,وبين كل هذي لفكار رد الصوت اللي هز كل خليه بجسمي
مشعل:نسيت اقول انتي بنت عمي سالم ولا بدر ولاحمد ولابنت وحده من عماتي
وبين ماكان يتكلم لاتشفون وجهي من الدموع وطبعن انتبه وقرب مني
مشعل:ليش تبجين احد مسويلج شي عشان اطقه
حرني في بروده وشلون يكلمني جني ام خمس اسنين
رهام:انت ماتستحي شلون تبوسني يااا
قاطعني وهو يضحك
مشعل:زعلانه عشان بوسه على خدج هذا "وبسرعه"هذي وحده ثانيه على الخد الثاني عشان مايزعل
نحشت بسرعه وطلعت برا الغرفه وهو منفجر من الضحك,كنت خايفه حد الفزع تفكيري طول الحفله مشتت حسيت اني سويت جرم فضيع0
مر اسبوع على السالفه وكنت مشوشه ولكن ظل فيني شعور لمتنان اللي كنت خايفه حتى بيني وبين نفسي اطلعه .اعترف اني ممتنه لمشعل بغض انظر عن قصده من اللي سواه ,هو اول من انتبه لي ولانوثتي ,يمكن قصده قبله لبنت صغيره بس انا متاكده ان القبله الثانيه كانت على خلاف الاولى شعور جميل اتحسه كل بنت لما تشعر بهتمام الجنس الثاني0
وفي جمعه من جمعتنا دار حديث بين البنات بخصوص مشعل
مريم:انا كلمتها وقالتلي بعضمت لسانها انها تكلم مشعل
ساره:هذي دايم سوالف مشعل اخوي
مريم:ساره اسمحلي اخوج ماخلا احد
منيره:لايكون قلتي للبنت انه ولد عمج
مريم:ليش مجنونه قلت انه رفيج اخوي
فاطمه:وشسم سعيدة الحظ يحظي هههههه
مريم:مها
ساره:عاد اتصدقون في شي متغير في مشعل
ريم:شنو؟؟؟ تاب يعني
ههههههه الكل ضحك لانه من سابع المستحلات بنسبه لشخصيته اللي نعرفها
ساره:لا صدق الولد متغير اول كنت اعرف اسم البنات اللي يكلمهم من تلفونه او يكتب فيهم شعر بس هذي المره كاتب بس حرف
منيره:أي حرف ؟؟؟
ساره:r
فاطمه:مالت عليج من اليوم تقولين متغير ومتغير وآخرتها يكتب حرف,بل عقل ياذكيه اكيد الاسم ريم او رحاب او رهام هههههه
الكل ضحك بس انا فزيت مثل الملسوعه
رهام:ليش اسمي مافي غيري
مريم:ليش زعلانه قلنا اسم ريم بعد وفاطمه اتغشمر
رهام:مااحب الغشمره الثقيله هذي
منيره:رهام لاتسرين حساسه كلنا كنا نتغشمر
حسيت بالحراج واحس اني لفت انظارهم لردة فعلي وبدون اراده مني بكيت وبررت الموقف
رهام:دايم فاطمه تحرجني وتحرش فيني
فاطمه :حقج على راسي بس لاتبكين"وباست راسي"
غيروا الموضوع بس حسيت اني جاهل بتصرفي اللي سويته وحسيت بخنقه فرحت دار جدتي.
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:12 am


وصلنا الشقه وكانت روعه ونظيفه ومرتبه .. كل شي كان فيها,عباره عن ثلاث غرف ,مطبخ,صاله,حمامين "وانتو بكرامه" اثاث غايه بالبساطه
ميل للمدرن ومثل ماقال مشعل باب شقته على باب شقتنا0
دخلنا الشقه ورحت مع ابوي غرفته ورتبت ملابسه وطلعت له ملابس نظيفه وفوطه ودش يسبح
طلعت ولقيت عمي ومشعل بصاله
عمي:رهام حبيبتي سولنا شاي
مشعل :تلقين في المطبخ كل شي
دشيت المطبخ وسويت لهم جاي وطلعت
عمي لمشعل:باجر الصبح لاتاخر بالقومه
مشعل:اوكي.. بس انت خلك جاهز
.. بعد ماحطيت الشاي ..
رهام:عمي وين جنطتك؟؟
عمي: ليش؟؟؟
رهام:برتب اغراظك وطلع لك ملابس نظيفه
عمي:احدقالج اني شايب مثل ابوج
رهام:ههههه لا بس ابي اريحك
عمي:لاتريحني ولا شي روحي نامي ورتاحي
مشعل:خلاص رهام خليه سويتي اللي عليج
رهام:وانت مشعل ماتبي شي
.. مشعل طالعني بنظره خبث..
عمي:اش يبي بعد؟؟؟ احنا بضيوفه مو هو
مشعل مع بتسامه رقيقه:مشكوره رهام ماتقصرين
ماقدرت مارد البتسامه ببتسامه ونظره بنظره,راح مشعل شقته ودشيت غرفتي كنت تعبانه حدي ماصدقت اخذ شور ونمت على طول,وكانت نومه عميقه ماقمت منها الا على صوت جرس الباب,فزيت من فراشي وطالعت الساعه وكانت8,00 قمت بسرعه وطليت على الصاله مالقيت احد رحت غرفت ابوي لقيته نايم,وصوت الجرس مستمر رحت صوب الباب
رهام:منو؟؟؟؟؟
مشعل:رهام انا مشعل بطلي
رهام:ليش وين عمي حمد؟؟؟؟
مشعل:انا وياه في السياره قومي عمي وجيبي الاوراق الطبيه وانزلو
رهام:واكي روح وحنا بننزل وراك
قومت ابوي ولبست وجبت كل الاوراق الخاصه بحالة ابوي,وقعدت انطر ابوي يخلص,كنت لابسه بنطلون جنز فوقه نفنوف زيتي لين الركبه وملفع زيتي
وبين ماكنت انطر ابوي سمعت صوت الجرس ورحت ابطله
رهام:منو؟؟
مشعل:انا بطلي
بطلت الباب
مشعل:صباح الخير انشالله نمتوا عدل
رهام:صباح النور نمت نومت المرهق
مشعل:اسم الله عليج
حاولت اخفي احراجي وناديت ابوي
رهام:يبه عمي ينطر تحت بسرعه
مشعل:تريقتوا
رهام:لا انتوا استعجلتوا علينا
مشعل:حتى انا قمت على صوت عمي حمد ماخلاني اشرب ماي بس الحين شبعت
رهام:شلون شبعت وانت ماكليت
مشعل:هههههه رهام انتي "وسكت"
رهام:انا شنوا؟؟؟؟؟؟؟
ابوي اهني وصل ,نزلنا كلنا وركبنا السياره
عمي:مشعل ليش طولت ؟؟؟؟؟
مشعل مرتبك:لا بس مالقيتها
عمي:ها تبون اريقكم ولا بعد المستشفى
ابوي:لاااا يابن الحلال انا اذا شميت ريحه المستشفى والادويه بتنسد نفسي
مشعل:عمي انت تبي اتعذبنا
عمي:خلاص شوف مكان النتريق فيه
ودانا مشعل كفي شوب وتريقنا فيه ورحنا على طول المستشفى.. وفي المستشفى دخل مشعل مع ابوي لطبيب لقسم الفحوصات لمده ساعه ونص
بعدين طلع مشعل بروحه
عمي:بشر يا مشعل
رهام:شنو قال الدكتور
مشعل:كل شي تمام بس يبي يخليه في المستشفى لاتمام باقي الفحوصات
رهام:شنووووو؟؟؟بس انت قلت ان ابوي بسوي فحوصات ويراجع بس
عمي:رهام لاتنفعلين لازم ابوج ينام في المستشفى ويتمم لعلاج ولا ليش متعنين وجاين
رهام بكل عصبيه والدموع على خدها:لا مشعل قول للطبيب ابوي مايقدر يقعد في المستشفى اكثر من ساعتين الله يخليكم
مشعل:رهام انا ابيج اتساعدينا على اقناع عمي والسالفه راح تاخد اكثر من اسبوع ونص وانتي عارفه انه لازم يجري هالفحوصات ..صح؟

رهام وهي تبكي:بس .... انزين بحاول اقنعه
قرب عمي وظمني ومسح ادموعي
عمي:بس يارهام انتي عاقله بارك الله فيج
رهام:بس بنام وياه
عمي : رهام...توني اقول عاقله شلون اخليج انتي مع ابوج بروحكم واذا نمتي مع ابوج يعني انا بعد بنام ونسوي عليه زحمه واحنا جايين عشان ياخذ فصل من الراحه والنقاهه مع العلاج
مشعل:والمستشفى مو بعيده تقدرين تقعدين مع عمي طول اليوم بس وقت النوم.."وتقاطعه رهام"..
رهام:خلاص وينه الحين
مشعل حس بمدى انفعال وتوتر ريهام وخوفها على ابوها ..
دخلنا على ابوي وبعد محولات خياليه في اقناعه اقتنع ورضا ينام المسكين مع كرهه لريحه المستشفيات
مر اسبوع كان قمه في الملل من الشقه لين المشتشفى ومن المستشفى لشقه وعمي كان من النوع اللي مايحب يروح مكان مايعرفه ,وكان مشعل يحاول يقنع عمي انروح أي مكان نتمشى بس كان يقول اذا طلع ابومحمد تمشينا كلنا0
وفي يوم من الايام الممله ،كلعاده قمت انا وعمي لبسنا وطلعنا ويا مشعل قاصدين المستشفى وعند باب الشقه
عمي:لحظه نسيت بوكي انطروني دقيقه وراد
مشعل:شوف احنا بنقعد نتريق بذاك المطعم وانت الحقنا
عمي:خلاص بس اطلبولي وياكم
مشعل:ابشر
اول ما غاب عمي عن عيونا
مشعل:مشيتا
مشيت وراه وكان يمشي بسرعه وانا امشي شوي اشوي
مسك ايدي وقال: بسرعه
حسيت بكهربه فظيعه .. وتوتر كبييير .. شلون مسك ايدي؟؟!! .. امبيه مايخاف ؟ انا مو قاعده اتحرك .. هو اللي قاعد يحركني
.. وعبرنا الشارع عشان نوصل الكفي ,بس ..؟! مشعل لف لاتجاه غير اتجاه الكفي اللي اشر عليه,هديت ادي من ايده و وقفت
رهام:مشعل وين رايح انت قلت هذا الكفي
مشعل:تذكرت ان اكلهم فاشل بس في واحد الصوب الثاني احلى وشيف مسلم
رهام:وعمي بدق عليه بس انتي بسرعه
استغربت اصراره على السرعه بس قلت يمكن عشان مانتاخر على ابوي
بمسك ايدي مره ثانيه بس كانت غير بدا يضغط عليها بقوه بعدين يرخي ,حسيت ان بعدنا اكثر لدرجت اني ماشوف عمارتنا,وقفت
رهام:مشعل لو سمحت ممكن اتقول وين المطعم اللي تقصده
وقف وعقد حواجبه وقال:انتي مازهــقــتــي ماطقــتـك الغلقه على هذي الحكره,صارلي اسبوع اقنع عمي امشيج وانتي ماحاولتي اتبينين انج زهقانه
رهام:مشعل انا مو جايه اتمشى واضن انت عارف هالشي .. صح ؟!
مشعل:اوكي انا وياج انتي جايه مع عمي لانه تعبان وكل يوم تروحين تقعدين اقباله التسولفين لين ينام ولما ينام الظهر تقرين مجله لما يقوم في هلوقت عمي مو محتاج لج لانه نايم مافكرتي حتى تخذين لو فره في المستشفى
رهام:احد اشتكا لك
مسك ايدي وقال:لا بس احب اسوي الخير
سحبت ايدي وقلت:لو سمحت ردني
مشعل:تبين اتردين ردي بروحج
رهام:لا والله
مشعل:رهام خلج واقعيه الحين انا وياج انحشنا من عمي والحين معصب يدور علينا تبين تنزفين على شي يوى ولا تنزفين لانج مشيتي خطوتين
طالعته بنظرت اشمأزاز ,بس مسك ايدي ومشاني
مشعل:خليني اوريج اماكن بروعه في احلى ولايه في امريكا
رهام:شوف انا بتمشا وياك بس مو معناه اني رضخت لك لا لانه ضايق خلقي ودي اشوف الاماكن اللي اهني
مشعل:وانا هذا قصدي وشي ثاني
رهام:شنو
سكت
رهام:شنو الشي الثاني
مشعل يحاول اغير الموضوع:في بحيره روعه تبين اتشوفنها
رهام:صدق مشعل
مشعل:وغلاج عندي
وضغط على ايدي...
مشعل:ليش ايدج بارده مع ان الجو رطب
مارديت عليه
وكمل:تخيلي حياتي في هذا المكان شنو تعتقدين
رهام:اكيد مستانس
مشعل:بالعكس اعد ليام عشان ارد الكويت
رهام:غريب
مشعل: ليش غريب من الطبيعي ان الانسان يحن لديرته وهله
رهام:الانسان اللي مو نفس شخصيتك
مشعل:شنو تعرفين عن شخصيتي
رهام:بدون زعل ؟؟؟؟
مشعل:بدون زعل
رهام:انك مثلا مغازلجي وعيار
مشعل:هذي صورتي عندج؟؟!!
رهام:هذا اللي سمعته
وقف وماحسيت ال وحنا بحديقه اتجنن
مشعل:وانتي ماتعرفين انه من الظلم انك تحكم على الواحد من شي سمعته ماشفته
رهام:انا مالي الا الظاهر واللي ينقال ..
وكملنا مشي
مشعل:والله يا رهام بربي اللي مااحلف فيه كذب اني مازت على اللي السويه اغلب الشباب منهم عيال عمي وعمامي نفسهم
رهام:ليش تحلفلي انا مالي شغل احلف لناس
وقف وهد ايدي
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:14 am


مشعل:انا عرفت بنات وكلمت بنات ماانكر بس بعمري والله شاهد مامسكت ايد بنت مثل مامسكت ايدج
قلبي صار ادق بسرعه وايدي قامت اتعرق وحسيت اني ابي ارد وبس
سكتنا وكملنا الطريق وافكار وجمل تدور في بالي ابي اقولها بس فذيك اللحظه فقدت قدرتي في الحوار والرد ,وسلمت الحديث لمشعل دون مقاومه
مشعل:رهام انا ماصدقت تجي فرصه اقدر اكلمج فيها عن بنفسي وكنت متاكد من نظراتج انج مخذه فكره عني مثل غيرج
...وانا ساكته ...
مشعل:رهام فكري بواقعيه ادري في بالج اني اقول هذا الكلام لاني متعود اقوله,انا صدق كنت انطر فرصه وكنت مبجهز الكلام اللي بقوله بس والله كله تبخر وووومادري بس يليت اتكونين فاهمه
رهام في برود:هههه والله مو قادره افهم كلمه
وقف وبنفعال
مشعل:مافهمتي؟؟؟
رهام:أيه
طلعت في عيونه لقيت الدمع مغرقها وايده اللي مسكني فيها ترجف حسيت كاني قدام طفل ثاير ينطر أي كلمه عشان ينفجر بالبكي
مشعل:رهام .........انا بغيت........بقول.......انتي.......انا
رهام:مشعل انت اتخوفني
مشعل:رهام يمكن..........او اكيد,,,,,,,,,, بس ........انا احبج والله احبج
كان موقف رهيب هز كل كياني وحسيت اني بردانه وسحبت ايدي وحاولت امشي واعطيه ظهري بس مسك ايدي
مشعل:رهام الله يخليج اسمعيني للاخر وراضي لاتردين بس اسمعي
وانا احول اسحب ادي ومااشوفه:مشعل تاخرنا على عمي لو سمحت
مشعل:رهام انتي غيرتي حياتي من ذيك المره اللي شفتج بغرفة امي وانتي بخيالي مع انج كنتي صغيره بس عجزت اشيلش من بالي حبيت الطهاره فيج حسيت بشي فيج يميزج عن الباقي ,رهام اشوف فيج بكره وشوف بعيونج دنيا حلوه ,رهام والله يشهد على كلامي من ثلاث اسنين وانا مخلي كل الخرابيط اللي تسمعونها ومقابل دراستي وافكر كيف صرتي لين شفتج في المطار,ماكنت ادري انج بتجين وبين ماكنت ادور على عمامي شفت عيون اعرفها سوادها ماكانت غريب اعرف هذا الوجه هذي رهام البنت الصغيره لا صارة انضج من اني اقولها الصغيره,رهام لو بقول كل اللي بقلبي اخاف اطيح من طولي
وسكتنا ومسك ايدي وكملنا مشينا بصمت لين
مشعل:رهام فكري شنو بنقول العمي حمد
رهام:مالي شغل
مشعل:لا والله لو لا حبج ما نحشت فيج
محاول اني اغير الموضوع
رهام:وين البحيره؟؟؟؟؟؟؟
مشعل:أي بحيره؟؟آه تذكرت
وقفنا عند عربة ايسكريم وسالني شنو ابي وخذنا ثنين ايسكريم وماي
مشعل:شنو كنا نقول؟؟؟؟
رهام:البحيره
مشعل:طيب شنو تعريف البحيره
رهام:اشفيه اللي صار فجأه مدرس جغرافيه ههههههه
مشعل:هههههه
وقف تحت شجره وحفر برجله حفره صغيره وصب فيها الماي
مشعل:البحيره عباره عن بقعه من الماء تحيط بها اليابسه من كل جانب
رهام:والله شهل اكتشاف
مشعل:هذي البحيره شرايج مو حلوه
رهام:هههههه ههههههه يا عبيط
مشعل:الله قوليها بعد طلعه منج كنها انت حلو او انت بطل
رهام:هههههه لا انت عبيط ويا استاذ عبيط فكر اش نبنقول لعمي يا حظي
مشعل:صدق انا حظج
رهام :مشعل فكر وبس
مشعل:عندي فكره حلوه
رهام:شنو؟؟؟؟؟؟؟؟
مشعل:اقول ان احنا قعدنا ننطره بعدين انا رحت ادق تلفون على واحد من الربع وردينا مكاننا وماجيت وردينا بالشقه مالقيناك وقعدنا ماجيت فطرينا النروح المستشفه
رهام:وعمي جاهل بصدق هذي القصه
مشعل:لايصدق اشراح يسوي بزفني بمصخرني فدوه لعيونج
وقف تكسي ورحنا المستشفه وطول الطريق وهو يطالعني من فوق لتحت كنه اول مره يشوفني,وانا افكر في الزف باللي ينطرنا وميته من الخوف
واول ما وصلنا لقينا عمي ينطرنا عند ابوي ومعصب حده
عمي:شرفت يا اخ مشعل
مشعل:وينك ساعه اندور عليك
عمي:وين كنتوا انت صاحي ولا مجنون قلت بتقعد انت والهانم في الكفي مايمديني اصعد وانزل الا ونتم مختفين
مشعل:قعدنا في الكفي وطلبت ورحت ادق تلفون على رفيقي
عمي:تعال وين تلفونك كل ماادق ماترد ليه
مشعل:هذا السبب اللي خلاني ادق على رفيقي لاني ناسي تلفوني عنده
ابوي:حمد يمكن الولد كان يخالفك يعني لما كنت في الشقه كان بالكفي وبلعكس
استمر النقاش داير بينهم مشعل"يشلخ"يكذب وعمي طايح فيه زف 0
من ذاك الموقف وعمي مايخليني مع مشعل ثانيه وحده,الله يهداه كان صاك صكه مو طبيعيه,ومر الايام ومابيني وبين مشعل غير نظرات ,ونظرات كانت سرقه من ورا عمي ,وبعد ماخلص كورس العلاج ,الحمد لله كانت صحت ابوي ممتازه وتدعي للفرح
وجاء موعد رجوعنا للكويت ديرتي الغاليه اللي مهما بعدنا عنها الشوق يرجعنا
والوحيد اللي كان متضايق مشعل وكان مبين على وجهه
عمي:خلصتي يا رهام
رهام: كل شي جاهز
ابوي:انا بنطركم تحت
مشعل:وين لجناط
عمي:رهام يلا يا يبه
رهام:كاني خلصت
وكنت كاشخه ومتمكيجه ولابسه عدسات و لابسه عبايتي وملفعي لبستي لكويتيه
,لاني كنت صدق مستانسه ان ابوي بخير وبرد لهلنا0
عمي:الله يا رهام اشهل كشخه
رهام:اكيد بكشخ مو برد لكويت
مشعل وهو يطالعني بنظرات حزن:ياليت اقدر ارد وياكم
عمي:تشطر وخلص وانا اسويلك ذاك العشا اللي كل يتكلم عنه
مشعل:مليت
عمي:هاك يا دكتور مشعل شيل لجناط
لف عمي صوب المرايه يعدل نفسه,وطلعني مشعل واشر اشاره بمعنى "هذي
جنطتج"ورديت عليه بنفس الطريقه معناها "أي"
وطلعنا كلنا وركبنا السياره وكنت طول الوقت افكر ليش سأل عن الجنطه
ولما وصلنا المطار
بعد الضم والعناق,مشعل تاثر حيل
ابوي يضم مشعل:مشعل مايصير اللي تسويه انت رجال
مشعل:الغربه شينه ياعمي
عمي:بكره ترجع وجيب ذيك الشهاده اللي ترفع الراس وان جبتها وعد ازوجك
مشعل:ابشر ياعمي بس لا تنسون سلموا على ابوي وعمامي وعيال عمي كلهم
ابوي:المهم انت دير بالك على نفسك
مشعل:انشالله,رهام سلمي على امي وخواتي
رهام: يوصل
ودعته وانا قلبي يتقطع عليه ماتوقعت ان مشعل المستهتر يكون بهذا القدر من الحساسيه ويكون قلبه رهيف لهذي الدرجه,صدق المثل اللي يقول اللي مايعرفك مايثمنك ,وبفترتي القصيره اللي قعدتها مع مشعل اكتشفت ان الكلام اللي كان يقوله سعد زوج منيره "ان عيب مشعل الوحيد انه على نياته وسبب السمعه اللي ماخذها انه يشوف اللي حواليه بعين وحده وهي عين الطيبه ونيه الحسنه"ماكنا نصدق كلام سعد عن مشعل بس عقب ماعرفته اقتنعت 50% انه مظلوم بس اصابني الشك احياناً0 كانت الرحلة طويلة وقضيتها بالتفكير بمشعل وشخصيته وسبب سؤاله عن الجنطة ,أول ماوصلنا استقبلنا الكل بدموع الفرح والورد وكنت مشتاقه لآمي حيل وظليت ضامتها لين رحت أنام ببغرفتي أول مادخلت غرطحت على فراشي وضميته وبين ماانا مسترخيه تذكرت سؤال مشعل والجنطة,فزيت على طول وبطلت الجنطة ,وكان في جيبها البراني ورقه , ايدي كانت ترجف بطلتها وقريتها وكان نصها كتالي :
"حبيبتي:رهام
وسامحيني على كلمت حبيبتي اللي ماعمري نطقتها لحد بصدق مثلج,لانج فعلاحبيبتي,ولا احد غيرج حبيبي ,كنت ابي اودعج وداع الاحبه بس فشلت كل ماحولاتي لان كان عمي حمد بالمرصاد,فمالقيت غير اني اكتبلج ويمكن قلبج يحن ويرحم حالي وتغير فكرتج عني.وسبب الرساله موب بس وداع ابي اقولج خططي المستقبليه بس قبل مااقول الخطط ابي اقول شي:
مدري القصايد فيك وش يمكن تكون؟؟؟
لاصرت صفحه مالها بالغلااا طي
مابيك تسأل كيف اتنا اغليك وشلون؟؟؟؟
الغلااااا كله فيك انا اشوفه شـوي
بس يكفي اشوفك كل شي بها لكون
وشوف كل الكون دونك ولا شي

وهذي الابيات جات تشرح مافي القلب .وانا ادري بحالي وانتي تقرين الرساله بكون مثل اليتيم.بس بمنن قلبي بمخططاتي المستقبليه,اول ما اجي لكويت راح اطلبج من عمي ,واتمنى يكون حكمج وردج رحيم فيني ,واذا كان ربي راح يبتليني ويعذبني في دنيتي بيكون رفضج لي ,لاتقولين اني ستعجلت بقراري لاني اول مره اخذ قرار سليم بحياتي والحب يارهام صعب نقيده بقيود الوقت والزمان لانه طبيعته متهور مايعترف بالوقت ولا الظروف واخر كلامي شي هز كياني لما اكتشفته"مستحبل اعبيش من دونك"
مشعل
انا راد

الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:15 am

قريت لورقه فوق العشر مرات في كل مره اضمها لصدري واضحك وقول ,مشعل احبك اكيد احبك متى بترجع متى؟؟؟
كنت مستانسه على الرساله وطايره من الفرحه ,لين دخل ذاك الهاجس اللي خرب علي فرحتي,ردت فعل خواتي وامي اكيد بيرفضون حسب رايهم اللي سبق ذكره عن مشعل واللي انا كنت معاهم فيه,تحول شوقي لردت مشعل الى خوف وقلق,كنت مااقدر انام الليل من التفكير بس بدون فايده,وبالآخر سلمت نفسي لقدر يحكم بلي يبي0
رد مشعل الكويت بعدنا بشهر,ونفذ اللي قاله لي اما شلون عرفت لكم الطريقه
كنت قاعده بغرفتي,ودخل ابوي ويا امي
ابوي:ممكن انكلمج يارهام؟؟
رهام:طبعاً......تفضل يبه حياج يمه
امي:انتي كبرتي يا رهام وخواتج زوجناهم بعمرج
رهام:أي يمه
ابوي:شوفي يا رهام بدون مقدمات انتي انظج من اني ادخل بمقدمات وياج ,قبل امس عمج محمد وولده مشعل جو يخطبونج مني
امي:وانت طبعا تعرفين مشعل
رهام:أي اعرفه
امي:يعني رايج من رايي
ابوي:نوره انا شقايلج
امي:هذي بنتي يا ابو محمد
ابوي:رهام ابيج تفكرين وتخذين القرار بنفسج وانا متاكد من سلامة أي قرار تاخذينه لاني اعرف بنتي عدل
رهام:ابشر يبه
ابوي:بارك الله فيج
كان الموضوع مو مفاجئ لي لاني متوقعته بس اللي ماتوقعته امي وردت فعلها السريعه والواضحه0
بعد يومين من مفاتحت ابوي لي جوني خواتي "منيره-مشاعل-فاطمه"عشان يقومون بدورهم كخوات
فاطمه:رهام انا مابي اضغط عليج بس كلنا عرفين منو مشعل هذا
رهام:فاطمه انا عرفت مشعل ومو محتاجه احد يقولي شي عنه
مشاعل:رهام انتي توج صغيره واذا قالج كلمه صدقيني قالها لعشره قبلج
منيره:يابنات مشعل مو سيئ لهدرجه سعد يقول الولد على نياته
مشاعل:لو سمحتي منيره انتي تدرين ان الشباب يغطون على بعض ولكل يدري ان زوجج رفيج مشعل
فاطمه:ومن يشهد للعروس
منيره:رهام انا بقول شي واحد استخيري
فاطمه:اذا بتستخير وهي مياله له ماله داعي
رهام:ومنو قال اني مياله لمشعل
فاطمه:عيونج من رديتي وانتي حالتج حاله
مشاعل:رهام حبيبتي احنا خواتج ونبي مصلحتج فكري بمنطق عشاني
رهام:انشالله بس غيرو الموضوع عشاني
منيره:بنات ترى روحت الشاليهات قربت مو الخميس هذا اللي وراه
فاطمه:يووه بـنــتــي شكلي بخليها عند حماتي
مشاعل:اخذيها وياج
منيره:لا حرام توها صغيره
وستمرو اسولفون عن الشاليهات بس انا كان مخي بينفجر من التفكير آآآآآآه يا مشعل حيرتني ولعبت بحسبتي
مر السبوع كله مكالمات جني بدش حرب الكل يدق وقول رايه في موضوع مشعل وصار تدخل غير طبيعي خلاني افكر جد برفض مع اني احب مشعل بس اللي حولي ماعطوني فرصه ,كل بنات عمي اصغار وكبار ابدوا رايهم مابقى احد الا انا انا اللي لازم اسمع ارائهم وراي لا؟؟؟؟؟
ماصدقت متى بروح الشاليهات عشان انحاش من الضغط النفسي اللي حولي,صدق بيكونون وياي بس اقدر اطلع اقعد ابروحي على البحر
شاليهاتنا خمس واحد لنا وثاني لعمي محمد وثالث لعمي بدر ورابع لعمي سالم ولخامس
لعمي حمد,كانت اغلب قعدات الرجال في شاليه عمي بدر والحريم في النهار في شاليهنا وباليل على البحر,وفي قعده من القعدات من اقهوه وشاي وحب وفطاير
كنا قعدين نسولف ونضحك كنت صج مستمتعه لين
خدامتنا:رهام بابا يبي انتي
امي:روحي شوفي ابوج يارهام

الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:16 am

قمت ورحت شاليهنا بس الخدامه قالت شاليه عمي حمد وراحت وخلتنا استغربت من ابتسامتها العريضه بس قلت خبله اتحب الضحك
دخلت الشاليه وكانت الليتات طافيه ومافي احد
رهام:يبه انت اهني
رد علي صوت اعرفه من وراي :لا بس انا اللي موجود" وصك الباب
رهام:منو وليش صكيت الباب؟؟؟؟؟؟؟
مشعل:انا مشعل يا رهام
رهام:مشعل يا مجنون بيذبحونك عمامي لو شافوك روح بسرعه
مشعل:ماقدر لازم اقول شي لازم
رهام:آخر مره روح ولابصرخ
مشعل:ماتقدرين
رهام:ليش؟؟؟؟؟
مشعل وهو يقرب مني:لاني مشعل
رهام:وخر عني ولا تقرب"حاولت ادزه بيدي بس مسكها"
رهام:هد ايدي احسلك وخر ترى والله
سحب ايدي وقربني منه
مشعل:والله شنو؟؟؟؟
رهام:مشعل قول شتبي ؟؟؟؟
مسك ايدي وفرد كف ايدي وحطه على شفته
مشعل:استرخي عشان اقدر اكلمج
ومن حسيت بانفاسه تلامس كفي بدا يقل توتري
مشعل:رهام ليش خايفه مني لهدرجه
رهام:مشعل هد ايدي الله يخليك "وكنت ابجي وإيدي ترجف"
مشعل:ليش ايدج ترجف؟؟ليش هذي لدموع
رهام:بس .......خلني
مشعل:لحظه وحده خليج ساكته وهدج
وسكتنا وبدا احلى شعور حسيته بحياتي ,با بتقبل ايدي ويتنفس من بين اصابعي ويعض على اصابعي ,بنوع من انواع اللعب,ومسك ايدي الثانيه ودفن وجهه فيهم وما حسيت الا بسأل دافي بين كفوفي وبسرعه شهقت
رهام:مشعل انت تبكي
مشعل:رهام ارحميني اموت اذا بترفضيني
برهام:لاتقول بعيد عنك الموت
مشعل:طولتي والشك لعب بعصابي قولي شي ......انا اخاف
رهام:من شنو؟؟؟؟؟؟
مشعل:من اني اكون حبيتج وانتي لا
رهام:انا بروح
مشعل:رهام قولي لا تعذبيني قولي احبك ولا قولي مابيك بس لاتخليني اهوجس
سكت ونزلت عيني بالارض
مشعل:ماترحمين دموعي ما كسرت خاطرج انا ابكي ولا عادي
مارديت
مشعل:رهام انا امي ماشافتني ابكي انتي فاهمه معنات ان الرجال يبكي
رهام:مشعل,,,,,امي وخواتي
مشعل:انا ابي رايج وبعده مايهمني احد على وجه الارض
رديت سكت وما قدرت اتكلم
مشعل:رهام خلاص وصل ردج وآسف اذا سببت لج قلق
رهام:لا يامشعل........انا........"وسكت"
مشعل:تخافين اتقولينها ولا بخلانه علي فيها
بحسيت اني بيغما علي لما هد ايدي و
مشعل: روحي رهام وإدري اني ماحبـيت ولا بحب احد بعدك ,ولازم على الواحد يدفع ثمن اخطائه سواء بقصد ولا من غير قصد,وليوم انا دفعت الثمن بس كان غالي غالي حيل
رهام:بس لاتكمل تبي تسمع مني أي احبك ومافقلبي غيرك احبك وحبك وحبك "ونفجرت ابكي"
مشعل من ردت فعلي نزل وبطاح على رجوله,سحب ايدي وطحت على ركبي
مشعل:قولي بعد عيديها
رهام:احبك بس اخاف من بكره
مشعل:تخافين من بكره وانا معاج
رهام:اخاف اعاند اهلي واندم
مشعل:آآآآه مدام قلتي احبك لا تخافين من اهلنا
رهام:بس مالنا غنى عنهم
مشعل:ومالهم غنى عنا ,بيزعلون يوم وثاني بيرضون
رهام:وابوي موافق على أي قرار اخذه بس امي... "ويقاطعني"..بوجه فرحان
مشعل:شنوووووو "بصوت عالي"
رهام:قصر صوتك
مشعل:انتي ماتدرين اجمل امنيه بحياتي تحققت بكلمتين منج
رهام:احبك وابوي موافق
مشعل:تدرين شنو ابي اللحين؟؟
رهام:شنو؟؟؟؟؟؟
مشعل:ابي احرق الولايه اللي ادرس فيها
رهام:بس بصيطه وتروح بستين داهي
مشعل:واخذج معاي ولا بتخليني بروحي
رهام:هههههههه
مشعل:تكفين اضحكي بعد ابي اشوف فرحتي بعيونج
اخجلني وقمت من مكاني بس مسك ايدي
مشعل:وين؟؟؟؟؟؟
رهام:بروح ولا ماترتاح الا لما يشوفونا
مشعل ببرود: خلهم يشوفونا
رهام: اذا عندك عادي يتكلمون عليك انا ما ارضي اسمع فيك كلمه
مشعل: والله رهام ماترضين علي كلمه
رهام:خلاص مشعل خلني وغلاتي
قام وقرب مني وقال بصوت يدوب ينسمع: انتي لي
هديته ورحت وبعد الموقف هذا ماحسيت بالي جنبي ولا اذكر أي شي لاني كنت بعالم وردي محد فيه الا انا ومشعل مشعل وانا0
ردينا لبيوتنا وكنت انطر ابوي بفارغ الصبر يسألني عن رايي وحسيت ان مر قرن على ما جاني وكلمني
ابوي:رهام يابنتي مو جنج طولتيها الولد بيسافر ويبي الرد يا يملج ويمشي يا يسافر ويدور بنت ثانيه
رهام:اللي تشوفه
ابوي:انا رايي من رايج انتي اشتبين
رهام:يبه انا موافقه
ابوي: آخر كلام يا رهام
رهام:من بعدك يبه
ابوي: بارك الله فيج وانا متأكد انج بتكونين نعم الزوجه وتعقلين زوجج
نزلت راسي وقرب ابوي وباس راسي وقال مبروك
ابوي:نوره....... يانوره.......تعالي
امي:امي خير يا ابو محمد؟؟؟
ابوي:قولي لبنتج مبروك
قربت امي وضمتني:مبروك يارهام عسى ربي يهنيج وألف بينكم وسخره لج
الفرحه كانت مطيرتني من الارض ,امي اللي كنت خايفه انها تزعل مني شفت الفرحه بعيونها ,شبي اكثر من الدنيا رضى امي وابوي ومشعل معاي,صدق ان مافي قلب احن من الام الله لايخليني ولايخليكم منه0
وتملكت وكل اهلي كانوا فرحانين لي ,وعمتي ام مشعل سوت حفله فخمه وماخلت احد ماعزمته,وكنت مفصله نفنوف سهره لونه بلاتيني عليه اكسسوارات معتقه ,وشعري سويته غجري وحطيت مكياج عند خبيرت التجميل:حنان دشتي وكان شكلي ملكه من العصور الوصطى0
مريم:مشاالله عليج يارهام سايره التجنين الله يكون بعون مشعل اللي بشوفج
رهام:مشكوره مريوم الفال لج
ساره:بذمتكم في احد عنده مرت اخو حلوه جذي
فاطمه: عاد ياويله اذا زعل رهوومه
رهام: لا شبسويله؟؟
مشاعل:عشتو ماترضى عليه
منيره: مو زوجها اكيد ماترضى عليه
كانت الحفله روعه وكلها رقص ووناسه حتى المعازيم كنوا مستانسين ومابغوا يروحون,خلصت الحفله ومابقا الا خواتي وبنات عمي نصهم راح0
ساره:يلا قومي
فاطمه:اشفيج خايفه
رهام:حيل ومستحيه
ساره: بكون معاج
بمنيره:لا تخافين بسولف معاج وبس
رهام:منيره تعالي وياي
فاطمه:منيره روحي وخلي مشعل يطردج طرده محترمه
كلنا:ههههههه هههههههه
قمت انا وساره وكان سبب ارتباكي انه اول مره يشوفني مو محتشمه لاني لابسه ثوب سهره وايديني وصدري طالع وزينتي زايده حتى اني فكرت البس عباتي بس خفت يضحكون علي
اول مابطلت الباب حطيت راسي بالارض
ساره:هاك عروسك يامشعل
مشعل:واحلى عروس بدنيا
وانا حدي منحرجه
ساره دزتني صوبه:مشعل سلم على عروسك
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:16 am


مسك ايدي:مشكوره ساروني سويتي اللي عليج قلبي وجهج
ساره:والله....... هذي جزاتي مردوده يامشعل
رهام:ساره خليج
طالعني وقال:اشتبين فيها خليعا تروح"ودزها وصك باب غرفة القعده
مشعل:مبروك
رهام:مبروك لك
مسك راسي وباس جبيني
مشعل:رهام اقعدي
قعدت وقعد جنبي ومسك شعري وباسه
مشعل:عسى الله مايحرمني منج
رهام:ولا منك
مشعل:عندي هديتين وحده ذوقي وثانيه ذوق امي
سكت اشوي بعدين كمل
مشعل:مالت امي بطليها الحين ببوثانيه بالبيت
بطلت الاولى لقيت شبكه ذهب فخمه ولبسني
رهام:حلو ذوق عمتي
وقرب اكثر:غلطانه حلو لما لبستيه
رهام: شنو هديتك
مشعل: اذا رحتي البيت بطليها
رهام: واكي
مشعل: تذكرين لما بستج من خدج؟؟؟؟
رهام:هههه أي اذكر
مشعل: كان خدج ناعم مثل خد الطفل اللي في المهد
مشعل: وخليتني ابكي مثل طفل في المهد
مشعل: جم مره بستج
رهام: ماتذكر مرتين على اليمين واليسار
مشعل:اليمين واليسار؟؟
رهام: ليش نسيت؟؟
مشعل: قربي ليش رايحه بعيد
رهام: لا مكاني زين
مشعل: كيفج انا اللي بقرب
وقرب مني ومسك ايدي
مشعل: احبج واموت فيج
رهام: مشكور
مشعل: واموت فيج
لفيت وطالعته بطرف عيني
مشعل: ماتبين اتقولين وانا بعد
رهام: لا ما ابي
مشعل: طيب لفي خليني اشوف المكياج اللي حاطته
رهام: مو لازم تشوفه
مسك كتفي ولفني صوبه وقرب اكثر, القرب اللي اخاف ارفع عيني فيه
مشعل: رهام طالعيني ........اقولج شوفيني
رهام: اشوفك
مشعل: شلون وعينج بالارض
طالعت بعينه وحسيت بشعور يجذبني له
مشعل: ممكن؟؟؟
وسكت
وقرب من وجهي وباس عيني وبعد ورد باس عيني الثانيه ,وضل يتامل وجهي وهو ساكت
مشعل: رهام انا بسافر 6 شهور واول ما ارد بيكون العرس
لرهام: الله يوفقك
مشعل: لو علي كان خذيتج بس ادري لوازم العرس وتجهيزاته وانا ابي الناس كلها تدري
رهام: ناطرتك
مشعل: قولي احبك
رهام: احبك
اول ما قلتها ضمني لصدره وبقوه
مشعل: وانا اكثر ياعيون مشعل وروحه
رهام: خلاص هدني اخاف امك ادش
ومارد علي
رهام: امك اسمع صوتها
مشعل: آآآآآآه متى تخلص الست اشهر؟؟
رهام: صدقني بتمر بسرعه
مشعل: اخاف اروح ومارد
رهام: مشعل لاتقول جذي ازعل منك
مشعل: ياهني تخافين علي
رهام: من لي احبه وخاف عليه مثلك
مشعل: وانا اخاف الهوى يضايق خدج بنسماته.......تدرين شنو اتمنى الحين
رهام: ياكثر امانيك قول
مشعل: ان كل الساعات اللي بالعالم اتوقف وضل ضامج لين يدفن على راسي
رهام: حلوى امنيتك بس مستحيله
وهدينا بعض وقومني ورحنا صوب الباب بس وقف بيني وبين الباب
مشعل: ممكن طلب اخير
رهام: بس بسرعه
مشعل: انا بستج اربع مرات وانتي ولا مره وهذا ظلم لازم تبوسيني
رهام: اقول وخر لا امشخك
مشعل: لا خلاص هونت هذي فيها مشخ حشى قطوه
بطل الباب وكانت خالتي جايبه بخور ودهن عود عشان اطيبنا
ام مشعل: يا الله ياربي انك تسعدهم ولا تفرق بينهم
مشعل: شرايج بعروسي يمه
ام مشعل: القمر باليل تمامه
مشعل: بس اضافرها طوال هههه
طالعته بعصبيه ونزلت راسي
ام مشعل: ليش خليت الحلوه تعصب
مشعل: عشان اراضيها
ام مشعل: يمه منك يا شيطان شوفي يارهام انا عطيتج هم بعور رااسج
مشعل: انا هم
رهام: الله يكون بعوني
مشعل: شوف الثانيه التكمل
كلنا:هههههه ردينا البيت وكان الكل تعبان من الحفله الا انا كانت بدايت سهرتي,دشيت غرفتي ومعاي هديت مشعل وكنت متشوقه افتحها ,وكانت تلفون وخط آحدث الموجود,مسكته ولقيت الباك قراوند صورت مشعل ,وبين ماكنت اتفرج عليه دق التلفون وكان تلفون مشعل
رهام:الووو
مشعل: فديت الصوت يالقطوه
رهام:ههههههههه لو مجرب مشختي وشتب تقول
مشعل: فدوه كلي لج
رهام: مشكور على الهديه
مشعل: هذي وسيلتي الوحيده لسماع صوتج طول الست اشهر
رهام: طيب ممكن اتصك التلفون عشان انام
مشعل: ليش اصكه خليه عند راسج ونامي ابي اسمع انفاسج وانتي نايمه
رهام:الوووو............الووووو ماسمع يقطع
مشعل: ادري انج تسمعين بس منحرجه
رهام: اذا تبي تسمع انفاسي تعال
مشعل:ترى اسويها
رهام: اعرفك مجنون
مشعل: رهام ريحت عطرح ليما الحين ابدشداشتي
رهام: وين دشداشتك؟؟
مشعل: بين ايديني اشمها
رهام: مشعل تصبح على خير
مشعل: مابي انام
رهام: بس انا ابي
مشعل: قلت خليه عند راسج ونامي
رهام: من صدقك؟؟؟؟؟
مشعل: أي
رهام: أخاف اقول شي وانا نايمه
مشعل: قولي
رهام: كيفك
وسويت مثل ما قال حطيت التلفون على المخده ونمت بس كانت نومه ولا احلا , من سنه مانمت هذي النومه واول ماتوعيت شلت التلفون
رهام: الووووو
مشعل: صباح الخير على احلا طير في سما مشعل
رهام: ههههههه......ههههههه.........مجنون
مشعل: اضحكي خلي دنيتي تضحك
رهام: مانمت؟؟؟
مشعل: لا..شلون انام وقاعد اسمع انفاس اطهر مخلوق بدنيه مو انسانه عصفوره نايمه
رهام: لايكون شخرت وانت التجاملني
مشعل: ههههههه بكره لصرنا مع بعض بتسمعين الشخير على اصوله
رهام: هههههههه الله يكون بعون طبلت اذني ,المهم روح نام صوتك تعبان
مشعل : بصكه بس قولي "مستحيل اعيش من دونك"
رهام: مستحيل اعيش من دونك باي
صكيته وانا اضحك على مشعل بس من داخلي ذايبه من رمنسيته وافكاره الخياليه الممزوجه بالجنون,استمريتا بالاتصلات اليوميه لين سافر وعشان مااشغله شرطت عليه مانكلم بعض الا مرتين بالاسبوع,بديت تجهيز للعرس بسرعه عشان افضي لدراستي شوي على راي خواتي0بس خلال هذي الفتره كانت تجيني كوابيس تقلق راحتي0
خلصت الكورس الاول وكانت علاماتي ممتازه وبدت احلا عطله عطلة الربيع المفضله عند اهل لكويت كلهم بدو وحضر بس البدو يخذونها على اصولها ,اما انا فاتنطرها كل سنه لان اهلي يقضونها في برنامج رهيب وبقولكم شلون,خيامنا 20 خيمه مع بيت الشعر وفيها ملعب كرة قدم وطايره ومجهز من كل شي لدرجه انا مانرد ابيوتنا الا قبل المدرسه بيوم,وفي الليل يبدا السمر والمسابقات بين الحريم ورياجيل وبعد مانتعشي, يبدا اخبال الشباب والبنات وسير تحدي بشراخيات "المفرقعات"منو يشب احلى واكثر وبعد مانخلص من الشراخيات,النروح احنا يا البنات ونقعد بخيمه جنب خيام الشباب ونشب ضونا ويشبون ضوهم "النار" ويبدا الطرب يمسك الشباب العود وطبله ويغنون واحنا النقي الاغاني ,ايام روعه وصدق وناسه بس كان بعد مشعل منغص علي وعلى قولت محمد عبدو"ليتك معي ساهر ليل الهوى كله.......ما نوم انا وانت لجل الحب سهرني"0
وفي احدا سمراتنا
دق تليفوني
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:17 am



مريم: منو رهام؟؟؟
فاطمه: بعد منو روميو قصدي مشعل ابن الملوح
البنات:هههههههههه.........ههههههههههه عصبت
عصبت من مصخرتهم علي وبالعناد فيهم رديت قدامهم
رهام: هلا بحبيبي ونور عيني
مشعل: رهام؟؟؟؟؟؟؟
كانت اول مره ارد عليه جذي
رهام: لبيه لبا عيونك امر تدلل
مشعل: لا...لا ........ماتحمل
طلعت برا الخيمه
مشعل: قولي....... قولي بعد لابو الدراسه والمتحانات فوقها
رهام: هههههههه......هههههه مشعل شفيك كنت احر بنات عمي
مشعل: شنو وانا لمصدق على بالي من قلبج
رهام: انا مااقول شي الا من قلبي
مشعل: لبا قلبك وعينك وكلك
رهام: العيد قرب وماراح اشوفك
مشعل: احاول ياحبي اضغط على نفسي عشان اخلص ب6 اشهر
رهام: قول شلونك اشسويت اشكليت كل شي
مشعل: لا انتي قولي شلون الجو عندكم
رهام:" ليتك معي ساهر ليل الهوى كله....... مانوم انا وانت لجل الحب سهراني"
,,,,,الجو صافي من كل ضوضاء المدينه والليل هادي كل يوم اقوله"ياليل ياجامع على الود قلبين........لك عاده تجمع قلوب الولايف"
مشعل: آآآآآه يا رهام ليتني اقدر اجي كان اخذج وتمشا وياج لين الشق الفجر
رهام: آآآه ياليت
مشعل: بس انا مجهز لج هديه بعيد ميلادج
رهام: هديه ؟؟قول الله يخليك مافيني صبر
مشعل : مافيج صبر على اربع تيام
رهام: اوكي بنطر هديتك
مشعل: اللحين روحي ستانسي مع البنات وسلمي عليهم
رهام:باي ودير بالك على نفسك
مشعل: نسيتي شي
رهام: صح "مستحيل اعيش من دونك"
وصكيت التلفون, ورحت كملت سهرا مع البنات وقلتلهم عن مفاجئت مشعل اللي بعد اربع ايام والكل كان ناطرها معاي ومتشوق يعرف اشراح يسوي مشعل0
مرت الاربع ايام وفي ليلة عيد ميلادي ,نطرت مشعل يدق مادق خفت عليه ودقيت بس مارد زادت محاتاتي وطرشت مسجات بس بلا فايده . بدا الشباب يغنون,بس بالي ماكان رايق للاغاني كان مع مشعل ,لين قال اللي يغني هذي لبيات بس كسرات



يا نــــاس يا سمعي الكـــــسرات ..............
مشعل من الشــــوق شكى حاله.............
مشعل من الشـــــوق شكى حاله.............
رهام مــــاترحمي العـــــبرات................
مالـــــغيركم انشـــغل باله..............
مالـــــغيركم انشـــغل باله.............
سكت الصوت الاول وغنى وراه واحد ثاني وقال

رهام يـــاسمعه الكســــــرات...............
من شوقــــي جيتكم عـــاني..............
من شوقــــي جيتكم عـــاني..............
ومــــاهمني القــول وشرهـــات............
لعيـــونكم بعيش وحدانــــي.............
لعيــــونكم بعيش وحدانـــي...............
مريم: منو صوته هذا
وفجأه صحت باعلى صوتي
رهام: مشعل صوت مشعل تسمعون
مشاعل: اشفيج يا الخبله مشعل مسافر
رهام: والله مشعل حتى اسمعي
منيره: لحظه رهام بدق على سعد وسأله
دقت على زوجها
منيره:الوو
سعد:..........
منيره: سعد من اللي يغني؟؟؟
سعد:...............
منيره: لا منو بالا سخافه
سعد:..............
منيره:واكي مع السلامه
رهام: منو منيره مشعل صح
منيره: مادري؟؟؟
رهام: امانه منيره منو تكفين
ريم: معقول يكون مشعل؟؟؟
رهام: اعرف صوته مااغلط فيه
ريم: لو ساره قاعده كان عرفت مشعل ولا مو مشعل
وهني دق تلفوني وبسرعه شليته
مشعل: "يغني" رهام ماترحمي العبرات
رهام:آآآآآآآه "صراخ"مشعل
مشعل: "يغني"من الشوق جيت عاني
رهام: آآآآآآه مشعل انت في المخيم
مشعل: بطتي اذني من لصراخ انطرج اطلعي من الخيمه
صكيت التلفون وبسرعه بطلع
فاطمه: وين؟؟؟؟
رهام: مشعل فاطمه مشعل"ونط من الوناسه"
فاطمه: اسم الله عليج مافي طلعه
رهام: الله يخليج 5 دقايق
فاطمه: روحي لاتموتين علينا
البنات:هههههههههه..........هههههههههه
طلعت من الخيمه مالقيته دقيت عليه
رهام: وينك ؟؟؟؟؟؟
مشعل: دوري ليت تلفوني
رهام: أي شفته
مشعل: تعالي
مشيت وكان صدق مبعد عن المخيم ولان مخيمنا بعيد عن الزحمه كنا نخذ راحتنا بتمشي,بديت اقرب لين شفته ,من بعيد واول ماناديته ركض وضمني , وهو يدور فيني
مشعل: وحشتني وحشتني
رهام: وانت بعد
هدينا بعض وقعدنا على الارض
مشعل: ضميني
وضميته وتنهد تنهيده طويله
مشعل: هذا تراب السفر
رهام: ماكان له داعي تجي
انسدح وحط راسه على رجلي
مشعل: يا انانيه تبين تحرميني من هذي القعده وانا ماابي الا ثلاث ايام
رهام: بس ثلاث؟؟؟؟
مسك ايدي واخذ يبوسها
مشعل: شفتي انج تبيني ليش من الاول التعاتبيني على الجيه
رهام: 3 ايام احسن من ولا شي
مشعل : ليش على بالج بخليج لين الفجر قاعدين
رهام: واهل المخيم؟؟؟؟
مشعل: صكي الجهاز
رهام: بموت من البرد
مشعل: قربي وانا ادفيج
رهام: ليش اشتغلت دفايه
مشعل: أي بس مو بالكهرب بال........
رهام: اقول ترى اروح وخليك
مشعل: ماتقدرين
رهام: صح بس اليوم بعلمك شنو تسوي القطوه لعصبت
مشعل: هههههههه لا الله يخليج مو ناقصين تشوه
رهام: تعشيت ؟؟؟
مشعل: لا بس انتي قربي وانا اشبع
رهام: بتنطق اذا قلت كلمه ثانيه
مشعل:اشتقت لج
رهام :اشكثر
مشعل: كثر حبات الرمل
رهام: بس
مشعل:ونجوم في السما
رهام:بس
مشعل:كثر ما احبج
رهام:ليش اشكثر اتحبني؟؟؟
مشعل: كثر مايحب الطفل امه وكثر مايحب الواحد روحه وكثر مايحب الشعب ارضه
رهام: وبعد
مشعل:سمعتي لغنيه اللي تقول
اســـــافر عنك وتسافر معــاي
ترافقني بحلي ورتحالـــــي
اغيب واتــــرك العــــالم وراي
ولا احمل غير طيفك في خيالـــــي
وجوه النــاس في الغربه مـــراي
تصور صورتك دايم في بالـــــي
وانســــى غربتي وانســى عناي
وحس انك معي مهو لحالـــــي
حبيبــي عندي لك شايل وفــــاي
وشوقي وفرحتي ولهفت سؤالـــي
هل انت اشتقتلــي وشاقك هــواي
كثر شوقي لك بذيك الليالـــــي
رهام: انا معاك دايم؟؟؟
مشعل:انتي محفوره بقلبي ,تخيلي لضاقت فيني الدنيا هناك شسوي
رهام: شنو؟؟؟؟؟؟؟؟؟
مشعل: اطلع الدشداشه اللي لبستها بملكتنا,وشم فيها ريحة انفاسج وعبـيرج
رهام: مشعل رغم ان صرنا البعض ليم الحين خايفه
مشعل: رديتي تخافين......... بجنني خوفج
رهام: انا كل ليله اتحلم فيك
مشعل: هذا مو خوف هذا غزل
رهام: لا يامشعل في حلم دايم يجني واكون انا وانت فيه واقوم خايفه ومغرقه المخده بدموعي"وصارت لدموع تسيل على خدي"
مشعل ضمني لصدره محاول يهديتي
مشعل: شنو الحلم يا رهام.........قوليه
رهام: اشوف بالحلم انا وانت لابسين ثياب العرس وقعدين بغرفتنا بس المخيف بالحلم كان كل واحد فينا مربوطه رجله بسلسله وكل ماحاولنا انقرب من بعض تسحبنا السلاسل وضلينا النحاول ونحاول بس ازيد الالم كل مره لين تبدا سلسلتك اتلف على رقبتك وتخنق فيك وانا اصيح ابي اساعدك بس مااقدر وعلى كذا اقوم منهاره وفزعانه وغرقانه بدموعي"ورديت بكيت"
وكان من طبع مشعل انه ما يؤمن بالاحلام وما يهتم لها
مشعل: معقول رهام تخافين من حلم هذي وساويس ابليس
وحط ايده على راسي وقرا آية الكرسي لين سكنت نفسي
مشعل: الله لا يفرق بينا لادنيا ولا آخره
رهام: آمين يا ربي
وكملنا سهرتنا بحلى السوالف والكلام,وثنينا انتمنى يطول الليل ولا يطلع الصبح ,وكان اغلب كلامنا شعر يعبر عن الشوق واللهفه اللي بقلوبنا,لين طلع الفجر ورد كل واحد خيمته0
وستمرت سهراتنا مع بعض طول الثلاث ايام,انا وهو وربي حافضنا ,سولفنا وضحكنا وتكلمنا عن مستقبلنا واليام الحلوه اللي بتجمعنا واسماء عيالنا,وكان يطلب مني انه ينام على رجلي وخليه وغط نص ساعه وقوم يقولي غفيت احلى غفوه بحياتي ,آآآآآآآآه وانا شنو خلاني احبه غير الرمنسيه اللي تغلب على طبعه وكلامه
جات آخر ليله تجمعنا مع بعض في اروع مكان جمعنا مع الحب
مشعل: يعني تبيني اسافر وانا اخر شي شفته منج دموعج
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:20 am



رهام: سامحني با مشعل مقدر احبسها
مشعل: اذا ما تقدرين انا بعد ببكي"واخذ يقلدني وانا ابكي"
رهام: ههههههههه........هههههههه انا ابجي جذي
مشعل: أي هذا اللي بشوفه منج قبل ما اسافر
رهام: دير بالك على روحك امانه
مشعل: اتوصيني عليج وانتي روحي

رهام: وانت روحي
مشعل: انا راجع ومستحيل اعيش من دونك
رهام: وانا بنطرك ومستحيل اعيش من دونك
ودعنا بعض على هذي العباره وشوق ولهفه بعيونا,يمكن كلام يشرح بعض المشاعر بس كلام العيون يشرح المشاعر كلها,خلينا العيون التودع بعضها مثل ما تلاقت في المطار,لين غاب زول كل منا عن الثاني, وآخر كلمه بينا مستحيل اعيش من دونك0
رديت الحوست العرس مع اني بديت بسرعه بس في اشياء ما تسوا الا قبل العرس بشوي,وطريت للمره الثانيه اوقف قيدي عشان افضى لحبيبي مشعل مع انه كان اخر كورس لي في الثانويه بس فدوه لعيونه0
احسيت بالوقت انه يمر ببطء شديد ,وحسيت بالشوق يخنقني ,واني فاقده لذت كل شي في الدنيا ,لا ضحكي ضحك ولا نومي نوم بشر ودايم سرحانه فيه وفي كلامه كأني حافضته صم مع انه ماقاله غير مره وحده, واللي زاد الطين بله الحلم المزعج اللي محسسني بالغربه وانا بين اهلي, وادري بتقولون عني موسوسه بس هذي الحقيقه كنت اخاف اني انا عشان ما اشوفه,خوفني ورعبني بمعنا الكلمه,لدرجه اني خفت افسره وعرف معناه حتى امي وخواتي ماقلتلهم عنه, واقنعت نفسي انها هواجيس بسب شوقي لمشعل0
كانت الاتصالات بينا على ماذكرت يومين بالاسبوع وكان هو اللي يدق,لين قبل ردته بسبوعين قام ينسى يدق علي لدرجه اني قمت انا اللي ادق عليه واخر اتصال بينا قررت اني ما ادق عليه وخليه هو اللي يدق وسبب اني دقيت عليه وسألته
رهام: مشعل انت متغير قول فيك شي حبيبي
مشعل: شلون متغير
رهام: صرت ماتهتم فيني مثل قبل وتنسى موعدنا
مشعل: آسف
رهام: بدون ماتشرحلي السبب
مشعل:رهام انا الحين مشغول بوراق مهمه اتخص رسالتي
رهام: اهم مني؟؟؟؟؟
سكت وتغير صوته
مشعل: انا الحين مشغول اكلمج بعدين
رهام: بعدين؟؟
مشعل: سلمي على عمي والاهل كلهم مع السلامه
رهام: مشعل
مشعل: نعم؟
رهام: مستحيل اعيش من دونك
مشعل:مست.............وانا
اربكتني مكالمته ووقمت تطري علي امور وتخنقني الهواجيس ,بس كنت ارد وقول اكيد هذي وحده من مقالبه ومابقا شي ورد وودع برد الخوف وقلق بدفا قربه0
مر اسبوعين ويوم الثلاثه الصبح بطلت عيوني على وجه منيره اختي
منيره: كم تعطيني؟؟؟؟؟
رهام: بسم الله منج متى جيتي
منيره: توني وعندي خبر يسوى مليون دينار
رهام: شنووووو؟؟؟؟؟
منيره: مشعل وصل اليوم وجيت ركض اقولج
رهام :"فزيت من الفراش" رجع مشعل
منيره: قصي علي قولي ماقالج
رهام: مشتاقتله موت"ما حبيت ارد على سؤالها"
منيره: ياعيني على الحب ,ام مشعل مسويه عشاءعائلي بعد باجر
رهام: بروح؟؟؟
منيره: يا ملقوفه مو قادره تصبرين اسبوع ,وبعدين انتسي عروس خليهم يشتاقون يشوفونج
رهام: يعني اقعد؟؟؟
منيره: ياليت
اطلعت منيره وبسرعه مسكت تلفوني ابي ادق عليه بس تذكرت اني زعلانه منه وبخليه يندم وحتى لو دق ماراح ارد
وللاسف طق ثقل وما دق علي لدرجه اني قررت ما اكلمه الا ليلة العرس0
راح اهلي يوم الخميس بيت عمي وقعدت بروحي في البيت واول ما ردو رحت اسولف مع منيره عن الحفله
منيره: الكل سأل عنج وقالوا اكيد مسويه شي غريب في العرس
رهام: شلون عمتي ام مشعل؟؟
منيره: بخير بس شكلها مشغوله في حوسة العرس لانها كانت طول اليوم ماسكه التلفون
رهام: وو.....مشعل
منيره: اكيد بتمثلين علي يعني طول ما كنا في بيتهم ما كلمج
رهام: أي كلمني اشتبين شنو اللي حارج"كذبت وما دري ليش"
منيره: طيب قوليله ليش من جاء ما سلم على جدته
رهام: ما سلم على جدتي؟؟؟
منيره: أي والمسكينه متأثره وبس اتشكا وشايله بخاطرها
رهام: واكي بقوله
وبسرعه ركضت الغرفتي وصرت الف حول نفسي مثل المجنونه,والأسأله بتدمر مخي
معقول هذا مقلب بس صدق مقلب ثقيل,ما اقدر افهم شلون مشعل ينسى يسلم على جدتي؟؟؟؟ وينسى يدق علي ليش انقطعت اتصالاته وهو اللي ينام على صوت انفاسي شلون قلبه يطاوعه يقاطعني؟؟؟شصايرلك يا مشعل وينك تعال كلمني ابيك تعال 0
مسكت التلفون وقررت اخلي الكبرياء على صوب لان الموضوع مايتحمل قصدي قلبي مايتحمل,ودقيت عليه بس الجواب صدمني وجمدني بمكاني مشعل ما يرد علي معقول وانا اللي خليته يجيني ركض من امريكا لما قلت تعال,العبرات اخنقتني وحالي يصعب على الكافر, ما وقفت دزيت مسجات واول مسج"مشعل رد ترى دمك ثقيل"ونطرت بس ما رد ودزيت مسج ثاني"مشعل ترى بزعل من صدق" وضل حاقرني
حسيت اني ذليت نفسي حيل وقلت كفايه خليه يحس اني مو مهتمه بس هيهات يا قلبي يا العنيد,رفض القلب يجفي مشعل وصر على مذلتي واول مره ابكي بهذي الطريقه دموع بسكات يجرح الصدر كتمانها وتحرق التحرق الخد بمجراها, حطيت راسي على المخده والدموع على خدي والتلفون بيدي نمت وانا دازه 20 مسج وبلا رد
قمت اليوم الثاني وكملت اللي نمت عليه ادق وطرش مسجات بس لا حياه لمن تنادي لدرجه ان المسجات وصلت حد الترجي وتذلل بس من غير جواب, لان من طبعي كتومه ما قلت حق أي واحد من اهلي, خفت اشوف اللوم في عيونهم خفت من كلمت هذا اختيارج0مرت علي اربع ايام من اسود ايام حياتي ,ميته والناس حيين , كل الما اتذكر كلامه احس السكاكين تقطع قلبي و تنحره, وعلى اني كتمت الموضوع بس العاشق تفضحه عيونه, الكل يطالعني بنظرات تسأل وكنها خاشه عني شي , لين جاني ابوي وامي وليتهم ما جوني
ابوي:رهام تعالي غرفتي بقولج شي
مشيت وراه بدون نقاش واللي خوفني ان خواتي كلهم مو جودين مع ان اليوم لاحد
صك ابوي الباب وامي قعدتني جنبها
ابوي: رهام يا بنتي من طلعتي على الدنيا وانتي بنتي العاقله الحكيمه
وكمل كلامه
ابوي: اكيد حسيتي تغير من مشعل صوبج
طالعت امي بس لفت وجها عني
ابوي: رهام يا بنتي اتي توج صغيره والحياه قدامج و
انفجرت بلا وعي
رهام: يبه قول شنو صاير
ابوي: مشعل طلقج
رهام: شنوووووو ........طلقني
طحت على امي
رهام: يمه......ابوي.........مشعل ..........شلون يا ناس فهموني تكفون آآآآآآآه"ونفجرت ابكي"
امي: رهام مشعل حالته لا تسر عدو ولا صديق
ابوي: اهدي يا رهام خليني اكمل
رهام: شتكمل انت تدري شتقول انت تطلب شي مستحيل يصير
امي: صار يا رهام صار وخلص
رهام: وانا مالي راي خذوه فغلوه
ابوي: رهام بس خليني اقول اللي عندي
رهام بنفعال: اهدى انا اموت يا يبه اشلون اهدى بلموت شلوووون بنجن يا ناس
ولاول مره بحياتي اشوف ابوي بهذي الطريقه صرخ علي ودزني على السرير ورفع علي لعقال لولا امي حالت بيني وبينه
ابوي:رهااام بتسكتين ولا اسكتج بطريقتي
امي: خلاص خلاص يا ابو محمد بتسكت والله بتسكت
قعدت جنب امي وسكتت ونطميت
ابوي: اعوذ بالله منك يا بليس آه ,مشعل من رد من امريكا وهو موطبيعي قافل على نفسه الغرفه ولا يكلم احد حتى امه وابوه وتردت حالته بصوره سريعه لدرجه انه...........ما يقدر يروح دورت المياه وخوانه هم اللي يشيلونه
امي: عين اكيد عين
ابوي: مابقا شيخ ما ودوه يقرا عليه وليوم راح الخفجي يقرا عند شيخ مذكور لهم
امي: وكل ما حاولو يودونه الطبيب قفل على نفسه
ابوي: وشي الوحيد اللي قاله طلاقج منه
كنت مثل اللي مركبينه دوامه وقاعده اتفر فيه والكلام يختلط مع بعضه والاصوات تندمج وما قلت الا
رهام: ابي اشوفه
ابوي: لاحول ولا قوه الا بالله وبعدين وياج
رهام: زوجي وبشوفه
امي: انتي ماتفهمين الكلام طلقج
رهام: ولد عمي وبشوفه
ابوي: ما يبيج
رهام: انا ابيه
ابوي بصراخ: نوره بنتج هذي ما تبي تجيبها لبر لا اشوفها طالعه من غرفتها ما بي اشوف وجها
اول مره ابوي يصير بهذي القساوه معاي ,محد قادر يفهمني ليش يا ناس انا من غير مشعل اموت مشعل لشافني بطيب مثل ما بطيب جروحي بقربه ,شلي جرى لنا كانت قصت حبنا الاجمل بالعايله الكل كان يفرح لتلاقينا اليوم يبون يمنعوني منه وهو بشد الحاجه لي
وبين ما كنت محبوسه بغرفتي دشت علي فاطمه الساعه وحده ونص الفجر
وكنت منهاره من البكي قربت مني وضمتني
فاطمه: صلي ركعتين والله يفرجها
رهام: ابي اشوفه
فاطمه: مستحيل سمعتي ابوي شنو قال تبينه يذبحج
رهام: ابوي الحين نايم بدون ما يدري نطلع
فاطمه: رهام بس لاتسرين مجنونه
طحت على رجلها وقمت ابكي
رهام: الله يخليلج عيالج بشوفه تكفين
فاطمه وهي تبكي: حرام عليج نفسج ماقدر افهمي
رهام: آآآآآآه هو نفسي بموت من غيره مقدر اعيش
فاطمه: لاتحاولين
ومشت صوب الباب تبي تطلع
رهام: آآآآه يايمه افهموني مستحيل اعيش من دونه مستحيل
فاطمه وهي تبكي: استغفر الله على كلامج قومي بوديج وامري لله
رهام: يا بعد عمري الله لا يقطج بالي انا فيه
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:21 am


ودقت على سايقها وطلعنا بسرعه بدون لحد يدري , وبيني وبينكم ما كنت متوقعه ان فاطمه تساعدني ولو قلولي من تتوقعين قلت منيره او مشاعل وفاطمه كنت مستبعدتها بس موقفها هذا ما انساه طول عمري وصدق مال الخوات غير بعض
اول مادخلت الكل كان متفاجئ فيني وبدون كلام خذتني ساره غرفت مشعل وصكت الباب0
اقسى شي في الدنيا انك اتشوف اللي تحب بهذي الحاله ,تمنيت الارض تنشق وتبلعني ولا اني اشوفه بقايا انسان ,معقول باقل من شهر ينقلب لهذي الحال ,العضلات والجسم الممشوق اصبح متهاوي شبيه بكومة عضام والوجه الافدع قلب على سواد ,شلي قلب حاله , تمنيت الموت بس انه يرد نفس لول,كان قاعد على طرف السرير ,ومنزل راسه وعينه للارض
رهام: مشعل
ولا رد علي
رهام: مشعل شوفني انا رهام
حتى ما حاول يرفع راسه
رهام: مشعل رد علي حرام عليك اللي تسويه فيني
قربت جنبه ونزلت ملفعي وقعت على ركبي ومسكت ايده وانا ابكي
رهام: مشعل شوفني انا رهام حبيبتك
ولا اثرت فيه الكلمه
رهام: مشعل انت ما تبيني مثل ما يقولون؟؟اذا صدق قولها قدامي ابيك تنطقها مثل ما قلتلي احبج قول انك ما تبيني مو تقول لغيرك يقولي
ولا اسمع الا صدى صوتي يرد علي
قربت منه وحطيت كف ايدي على شفايفه
رهام: شنو نسيت هذي الحركه ما تذكرك بشي, مشعل تكلم رد
وهو على ما هو
رهام:"وانا اطق على رجوله" انت مو مشعل اللي حبيته بدلوك مشعل ارجع لي رد علي قول أي شي قول بره قول اكرهج راضيه طلقني بس لا تقعد على هلحال الله يخليك
وحطيت راسي على رجوله وقعدت ابكي وقول"مستحيل اعيش من دونك "
وارددها وجسمي ينتفض ,لين حسيت بكفه تمسح على راسي
مشعل: رهام؟؟؟
شهقت وضميته بقوه: لبيه يامشعل لبك
مشعل: ليش جيتي؟؟؟؟ليش
برهام: لاني عرفت شي هز كياني تدري شنو
مشعل:شنو؟؟؟؟؟
رهام: اني مستحيل اعيش من دونك
مشعل: بس .......انا ميت يا رهام واحسنلج تبعدين
رهام: هذي اوهام وعين وصابتك يا قلبي ومافيك الا العافيه
بعدني عنه وهو ونزل راسه وقال
مشعل: رهام روحي وخليني احسن لي ولج انا.......بظاهر انسان بس من دخلي ميت
روحي والله يرزقج بواحد يحبج ويعرف قدرج
وقفت ومسحت دموعي وبكل قوه بقت فيني
رهام: مشعل قولي شنو فيك؟؟؟؟؟
مشعل: ما تسمعين خليني وروحي
رهام: مشعل ماني طالعه الا لما تقول اشصايرلك شلي قلب احوالك
مشعل: ما اقدر افهمني لا تعذبيني ..
رهام: مشعل اذا كانت مشكله كبيره انا وياك بنحلها بس قولي عشان اساعدك
مشعل: المشكله اكبر مني ومنج؟؟؟؟؟ افهمي خلاص
ضميته وقعد يبكي ويصيح مثل لصغار لدرجه انه كان ينهج بالبكي
رهام: اسم الله عليك ............ابك طلع اللي في قلبك وتكلم
مشعل: ارحملي انج تخليني من انج تسمعين
رهام: وانا ما ترحمني من اللي انا فيه مو انا انت وانت انا؟؟؟؟؟
مشعل: آآآآآه اللي بقوله ابيج تسمعينه لين الاخر بشرط انج ما تقاطعني
رهام: موافقه بس قول

الكــــــــاتبه:
وبدا مشعل يقول لرهام اللي صار معاه بتفصيل ,ويشرح لها سبب تغيره المفاجئ عليها و اللي خلاه يطلقها
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:22 am


وقفنا في قصتنا لنهاية الفصل الاول ,واللي انتهى وكل مستغرب تغير مشعل الغريب والمفاجئ على رهام,واللي ماقدرت رهام تستحمله وقررت مواجهته وبالحاحها عليه اعترف مشعل بالسبب وعشان نقدر موقف مشعل ونفهمه وهو بيتكلم لكم وقول اللي بخاطره ...مشعل
صعب ان الواحد يتكلم عن نفسه بموضوعيه وبصراحه,وعشان اسوي الشي هذا لازم اجرد نفسي من كل المبالغات اللي يحب كل انسان يضيفه لنفسه عشان يكون بصوره اللي يحبها،واتخيل اني قدام مرايه تعكس صورتي بكل وضوح ونقاء دون تجميلات او تعديلات ,واليوم قررت اوقف قدامها والحين اللي اشوفه ...
انا شاب كويتي في العقد الثاني من حياتي(بالعشرينات من العمر),يقولون عني مستهتر وعلى قولتنا "بايعها" احب السفر وأحب تجربة كل شي جديد ,انا احب اكون متميز بكل شي عن اللي حولي من عيال عمي وربعي ,واحب اتحدا كل شي صعب حتى لو بخسر فيه المهم "انوخه" اغلبه,اعيش بمجتمع مترابط الحياه فيه ووياه حلوه احب اهلي وعيال عمي حب جنوني ولو تبروا مني بظل احبهم ,ومهما سمعت منهم كلام يمسني يمونون ,وبكل صراحه ياكثر ما سمعت منهم انتقدات عن تصرفاتي وعن علاقاتي ,بس للاسف ماكانت تأثر فيني لان كان عندي قناعه اني مو الوحيد اللي له علاقات واني ,عمري ماتحسفت على شي بحياتي الا هذي العلاقات اللي دفعت ثمنها غالي,ماابي اكون عليكم واعض بس يا سخافتي كنت اضن كل هذي العلاقات حب وطلع تفاهات وخرابيط ماتمس الحب بصله والحب شي سامي يترفع عن كل هذا اللعب, الحب مثل الماي اذا تعكر عافه الناس واليوم صار الحب جريمه وسببه جهل ناس مثلي فيه وتشويه صورته .
وفي غفلتي هذي جاني طير حلو صغير قومني على دنيا غير دنيتي دنيا الالم فيها استعذبه والهم فيه اشيله وارتضيه لجله ,علمني وش معنا انك تحب وشنو معنا العفه خلاني انسى مشعل وما اعرف غيره, اكيد عرفتوا طيري بس اللي ماتعرفونه شلون دخل بحياتي بدون اذن مني ..

رديت للكويت بعد نهايت الترمات وطبعن امي لازم كل مااجي تسوي حفله على مااظن مو لي عشان تقول رد ولدي اللي يدرس برا واخذ يا المهايط "التظاهر" ودليل انها نست اتقومني من النوم عشان اطلع قبل لايجون الحريم وانا في البيت
قمت مخترع ولقيت الساعه 9,5 لبست وناديت امي بس ماسمعتني من صوت الحريم ونطرت لين تخلص الحفله وقلت لازم اسلي نفسي باي شي وبالفعل فكرت بشي مجنون بس لاتنقدون علي ,رحت غرفة امي وبطلت كبتها عشان البس دراعه من دراعاتها وضحك على شكلي,ادري اني رقله "مجنون" بس الملل وبين ماكنت البس سمعت صوت يقول:منو ؟! منو ؟!
بسرعه فصخت الدراعه ورد الصوت: منو؟؟
طلعت لقيت بنت حلوه عمرها تقريبا 14 سنه
حبيت اضحك عليها وتغشمر بس لو ادري ان بسير معاي اللي صار كان...... آآه ........ كنت بكلمها وبكلمها
سالتها عن اسمها وقالت رهام سالته ليش داخله غرفة امي مادري ردت بكلام مقطع مسكت خدها وبستها عليه وجه البنت صار احمر وضحكت عليها وطلعت بس شي داخلي ردني وحبيت اسالها بنت منو من عمامي بس تفجات بدموعها فسالتها من زعلها ردت علي وعرفت انها زعلانه من البوسه قلت لها من وين بستج وبسذاجه وبرائه منها اشرت على خدها وقربت وبستها على الخد الثاني جفلت مني وطلعت تركض مدري عقبها شلي تغير فيني ...
اللي اعرفه اني شفتها عقبها مره مدري مرتين بس عقب سرت اشوفها كل يوم في بالي ،واللي خلاني افكر فيها اكثر البنت اللي كنت احسبها حبيبتي كنت اشوف فيها المبالغه والتصنع ما قمت اطيق منها اي كلمه لين

###:شفيك متغير
مشعل:مافيني شي
###:لا انت اكيد تعرف وحده غيري ماخذتك مني
مشعل: وحده غيرج؟؟ انا مااعرف غير امي وخواتي واذا مو مصدقه هاذا شي ثاني
###:مصدقه بس قلبي يقول في شي
مشعل: طمنيه وقولي مافي شي
###:شوف يا مشعل انا ماقدر اتحمل وافظل كل واحد يروح بطريقه
مشت وخلتني ومن يومها ماعرفت أي وحده عقبها مو وفى لها بس شي فيني تغير ويالته اكتفى بتغيري طلع على الناس وفضحني
رديت لدراسه والكتب والغربه وشعاري قلت برد كل شي كما كان وبنسى ,بس هيهات يا قلبي طيفها تهجم على اشعاري واقحم اسمها غصب عني بين الابيات.يااااه قلبي الكبير وتجاربه يهزه قلبها الصغير اللي ماعرف الحب .واللي بجنني ليش هي بذات من بد البنات كلهم مع ان هيأتها تميل لطفوله اكثر من النضج
انفضحت غصبٍ عني بين ربعي في الدراسه.واللي فضحني اشعاري اللي اتغنا بسمها .وكل ماسالوني قلت شخصيه نسجها فكر شاعر.صدقوا كلهم الا واحد من المستحيل انه يغض البصر عن التغير اللي انا فيه وهو اللي يعرفني من 12 سنه وزميلي في السكن من سنه,اعز صديق لي اخوي الروحي "محسن"
محسن: يعني ماراح تقولي من رهام؟؟؟
مشعل: أي رهام
محسن: رهام اشعارك يا حلو
مشعل: ليش ماكنت موجود لما صرحت بصاحبة الاسم
محسن: اقول الكل راح يصدق الا انا, تدري ليه ؟.. لانك خبز ايدي وعرفك اكثر من نفسك انت متغير وانا متاكد انها سبب التغير
مشعل: محسن .. افضل اني مااتكلم عنها
محسن: ها .. شفت وهذا شي ثاني ياكد انها غير اللي قبلها
مشعل: ليش شنو الاول ؟!
محسن: عمرك ما كتبت قصيده في وحده وذكرت اسمها فيها
مشعل: هذا اللي ذابحني ماابي اجيب طاريها ويجي غصب, واخاف يوصل ويجرحها هالشي
محسن: من البنت هذي اللي مغيرتك من .. الى ؟!
مشعل: اخاف اقولك وتضحك علي
محسن: قول كافي انها غيرتك
مشعل: بنت عمي
محسن: وليش مستحي
مشعل: عمرها 14 سنه
محسن: !!!! مشعل صغيره !!!
مشعل: ادري
محسن: بس بتكبر
مشعل: تهقى شنو اللي فيني ؟؟
محسن: انا ابيك انت تتأكد وتقولي
مشعل: اللحين ارتحت ؟
مرت علي 3 سنين وعلاقتي فيها من بعيد ليبعيد اذا جيت لكويت يمكن المحها بس ,وبالي مشتاق اشوف شلون تغيب
بعد شهر من ردتي للولايه اللي ادرس فيها ..اتصل علي عمي حمد ؟؟ ولا مااتصل ؟؟ باتصل ....
مشعل: الو..
عمي: الو السلام عليكم
مشعل: وعليكم السلام يامرحبا
عمي: شلون الدراسه
مشعل: بخير انتوا شلونكم وشلون عمامي
عمي:والله كلهم بخير بس عمك ابو محمد تعبان ويمكن نجيبه يسوي فحوصات عندك
مشعل: افى والله مايشوف شر ابشر انت تعال وكل شي بكون جاهز بس .. من بيجي معه ؟؟؟
عمي:انا وام محمد
مشعل: خلاص بس متى الوصول؟
عمي: طيارتنا بعد اسبوعين ونشالله بنقعد شهر
مشعل: حياكم الله و تجون بسلامه
عمي: طيب ماتشوف شر وشد حيلك
مشعل: وانت سلم على الاهل كلهم
جاني بعد المكالمه محسن
محسن: من مكلمك
مشعل: عمي حمد
محسن: لا لا .. شلونه قديم من متى ماشفته
مشعل: من متى ؟
محسن: سفرتنا للسعوديه
مشعل: انت مغبر..ههههههههه
محسن: شكان يبي
مشعل: يبي يجي
محسن: ههههههه وين عندنا انت من صدقك انا مره سافرت معه وعفت السفر كله
مشعل: جاي مع عمي عبد الله وزوجته
محسن: ليه؟؟؟
مشعل: عمي ابو محمد تعبان وجاي يسوي فحوصات
محسن: مايشوف شر
مشعل: الشر مايجيك بس ..الحين وين احجز لهم ؟؟
محسن: فندق
مشعل: لا ابي لهم نفسنا شقه مريحه لانهم بيطولون
محسن: تعال الشقه اللي قبال شقتنا على ما اضن فاضيه
مشعل: للإيجار ؟؟
محسن: اسأل و شوف
ومر سبوعين على الاتصال اللي أجراه عمي, وفي اليوم اللي حدده لطيارتهم قمت ولبست وقبل ما اطلع انتبهت لجنطه عند الباب
مشعل: محسن.. يا محيسن
محسن: نعم خير
مشعل: من جنطته؟؟
محسن: جنطتي
مشعل: على وين انشالله بترد الكويت يا الطيب
محسن: ههههه لا بس اهلك بجون وانا بطلع ورد ومايسير اضايقهم بالرايحه والجايه وانت حتى بتنشغل معهم
مشعل: وين بتروح فندق ؟؟ انسى
محسن: لا بروح اقعد عند سلمان
مشعل: على راحتك يا ذهب
محسن: بس ما اوصيك بعمك وعمتك ولجل عين تكرم الف عين ولا شرايك؟
مشعل: لا توصي حريص
وطلعنا بسياره ووصلته لصديقنا سلمان البحريني ورحت المطار ادور عليهم وبين ماكنت ادور .. شفت عيون مو غريبه علي.. ردتني لديرتي ونسيت المكان وزمان والناس اللي حولي .. ولقيتها تجذبني لها مثل المطر تجذبه الارض لها من غير حول له او مقاومه .. واللي غيب فيني انها كانت تطالعني لين لمحت زول حال بيني وبين ذيك العيون واللي لو كانت بين اجمل عيون العالم ماراح اناظر غيرها مثل الطفل ما يضيع او يخطي بحضن امه , ذاك الوجه اللي حرمني النوم ورضيت بالحرمان سلبني قلبي ولو رده لي قلت اخذه معاد ابيه , رهام انتي رهام ليش جيتي ما كفاج اللي انا فيه جايه تكملين علي وتملكيني بوضع اليد , اخذيني كلي ما ابيني اخذيني وان بغيتي اهمليني. وبين ماكنت افكر فيها وهي قدام عيوني
عمي: مشعل تعال احنا هنيه
عرفت السبب اللي خلا رهام تجي وضحكت على الحظ اللي كان كريم معي حد البذخ انا في الكويت كنت ارضى بلمحه منها واصلي صلات شكر عليها الحين انا وهي كل يوم بنشوف بعض بنجن من الوناسه؟؟ يارب بارك وزيد من هالحظ الحلو ..
وديتهم الشقه وانا عيني ما تبي توخر عنها خايف يزعلونها نظراتي بس ما في اليد حيله :اتفقت انا وعمي نروح البنك الصبح مع بعض وبين ما كنت اكلمه
رهام: عمي وين جنطتك
عمي: ليش ؟؟؟
رهام: ارتبها لك
عمي: مشكوره انتي روحي نامي وأنا أرتبها
رهام: ما راح أنام الا إذا رتبتها
عمي: يا رهام روحي دارج
مشعل: خلاص رهام عمي متعود على السفر بروحه
رهام: وأنت مشعل ما تبي شي ؟؟
كنت أبي أطير من الفرحة أنا تكلمني؟ أنا أمر عليها؟... آآآه أنتي لو تدرين ...
عمي: شيبي بعد احنا ضيوفه
طبعن عمي الحبيب رد بدالي وما عطاني فرصه اقول شي غير نظرات
طلعت من شقتهم مثل المبنج او مخدر شي كذا هذي رهام شلون تغيرت لهذي الدرجه هي ولعتني وهي ام14 سنه بملامحها الطفوليه الحين زادت على النعومه الطفوليه ملامح انوثه كامله مع غنج ودلع وش راح تسوي فيني على ذا الحال ما حسيت بنفسي الا قدام شقة سلمان صعدت ودقيت الباب
سلمان: هلا والله بشاعر النكسات
مشعل:سلمان ناد محسن
سلمان: طيب ادخل شوي
مشعل: لاحقين ناده
سلمان:طيب
وقفت عند الباب انطره بقلبي كلام مقدر اخبيه
محسن: مشعل خير شفيك ادخل؟؟
مشعل: ابيك البس انا بسياره
محسن : عمك عبد الله فيه شي ؟؟
مشعل: ما فيه شي اخلص
محسن: جايك روح
نزلت السياره افكر فيها وقلبي يدق بصوره تخوف,ركب محسن
محسن: يا ولد خوفتني فيك شي؟؟
مشعل: أي
محسن:شنوووو؟؟
مشعل: جات معهم
محسن: منو؟؟؟؟
مشعل: هي
محسن: منو؟؟؟................آها وانت شفيك مرتبك
مشعل: مدري ؟؟؟
محسن: بشنو تحس؟؟
مشعل: احس في فراغ داخلي احس ان ما في بجسمي شي غير قلبي
محسن: قول
مشعل: احس اني شبعان من كل شي حتى الهوا.. ابي اسرح.. ابي اصرخ.. قلبي!! احس اني اسمع دقات قلبي بقوه
محسن: انزل
مشعل: ليه
محسن: ابي اسوق
مشعل: ليه مو انا ؟؟
محسن: لاني بوديك مكان مادله بحتفل فيك انا مستانس لك يا مشعل
مشعل: ليه؟؟؟
محسن: انت تحب وحبك ارقى انواع الحب يا شاعر النكسات ههههههه
مشعل:ههههههه هههههههه هههههههه
ركبنا ووداني اسطبل للخيل رهيب
مشعل: شمعنا هنيه
محسن: بنركب خيل وبنبعد ونسابق الريح شتبي اكثر من انك تركب خيل على كبر هذي المزرعه
مشعل: محسن انت مجنون وسبحان اللي خلقنا اثنين في واحد
محسن: عليك تشبيهات رهيبه يعني انا وانت بيرت بلس شابوا وبلسم هههه هههههه
مشعل: يا الرقله " مجنون"هههههه هههههه هههههه




الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:23 am

محد يفهمني بالدنيا كلها غيره بير اسراري نصي الثاني
قمت اشوفها كل يوم واتصبح بوجها عشان اوصلها هي وعمي المستشفى لان عمي عبد الله نوموه في المستشفى وعمي حمد الله يهديه ما فكر يخليها تطلع او تتمشي لين انجنيت وقررت اكلمه
مشعل: عمي شرايك بكره انودي رهام السوق تشتري اللي ناقصها وتغير جو
عمي: لو تبي كان قالت وهي متضايقه على ابوها مو بحال تمشي
مشعل: يمكن مستحيه تقولك وحتى لو كانت زعلانه على عمي مفروض انمشيها ونشيل عنها
عمي: على السبوع الجاي مع طلعة عمك من المستشفى نطلع ونستانس
مشعل: انا اقول السبوع هذا
عمي: انت فيك شي احد اشتكالك الحال
مشعل: يا اخي البنت ازهقت لو ساره اختي لفررها الولايه كلها
عمي: لو اختك .. وصك الموضوع
عصبت وزهقت من اسلوبه وتفكيره انا اشهد انه كان صاك علي صكه
رحت لمحسن والشباب وقعدنا نلعب ورقه لاحظ محسن اني معصب
محسن: شاعر النكسات شفيه؟؟؟
مشعل: مافيني شي
سلمان: انكس اليوم في الورقه ههه ههههههه
الشباب كلهم ههههه ههههه
مشعل: الشرهه على اللي يلعب مع اشكالكم صدق عرب (القصد مو تبري من العرب قصده ينتقد تصرفاتهم ويقول انها تصرفات اغلب العرب)
ناصر"سعودي": تعال وين رايح يا الفرنسي مواليد واشنطن هههههه ههههههه
مشعل: خير يا بعيون زرقه وشعر ليلكي لاتروح ياكرتونه المطار بس
ناصر : ليه
مشعل:يلزقون عليك ستكر ويشحنونك للسعوديه
الشباب ههههههههههههه هههههههههه
ناصر: اقول استريح يا القوطي ولا تروح سوبر ماركت
مشعل: ليه
ناصر: يشلونك وحطونك على رف هههههههه ههههه
الشباب هههههه هههههه
مشعل: اكل الورق وستريح
رحت المطبخ ولحقني محسن وطبعن هذا شي يومي من مشاحنات وغشمره عقب انرد مثل لخوان
محسن: شفيك مو طبيعي
مشعل: اسكت الله يخليك جاي من عمي ومرتفع معي الضغط
محسن: ما واجهت احد ينزله
مشعل: وين اواجها و الحبيب ما يعطي مجال حتى اكلمها
محسن: شصاير؟؟
مشعل: رحت اليوم اكلمه يخليها تطلع تتمشا ما رضا ويقول هي ما قالت.. مسكينه من جات ما طلعت
محسن: وانت شدخلك عمها وبوها موجودين راز وجهك ليه؟؟
مشعل: وانا بعد موجود
محسن: انت متضايق لانه خايف عليها منك ومو معطيك مجال وهذا من حقه انه يغار عليها
مشعل: والله انه متخلف ورجعي
محسن: لحد يزعل عمه ويجيب العيد
مشعل: انا ازعله؟؟ هه... لو اقدر ما جيتك معصب وزعلان
مرت ايام على السالفه لين جت على قولتهم الفرصه الذهبيه
ونحشت من عمي وياها بصدفه اللي خير من الف ميعاد وطلعت اللي بقلبي كله لها وفضفضت وخليت الباقي عليها
ولما رديت خذيت زفه محترمه بس لعيون رهام لو كواني بنار ماانطق بالآه
رحت لمحسن وقلتله
محسن :مجنون انت ماتدري بتصرفك هذا تخسر عمك
مشعل: ماقدرت ولا فكرت حزتها اصلن
محسن: يا مشعل انت تحب اهلك وبكذا تضرهم,توقع انها راح تقول لعمك .. شنو بيكون موقفك؟؟
مشعل : كانت خايفه ومشاعرها مركبه حاولت اهدي منها بس ما باليد حيله ,اكلمها عن مشاعري تقولي ابوي اقولها انا افكر فيج كل الوقت تقول عمي , تعبتني مسكت ايدها ابي حرارة ايدي تشرح شوقي لقيت ايدها ترجف وبارده ,خفت هديت ايدها ماخفت من شي كثر برود ايدها تدري ليه حسيت ببرودة ايدها تصدني وتقول وخر قالت كلام شق صدري وعصر قلبي بس شافت عيوني ورتبكت وردت علي بنظرت حنان شجعتني كلمتها عن كل اللي احسه صوبها بعدين ردت وقالت ليش تقولي الكلام هذا انا مو فاهمه ,قلت انا احبج نزلت عينها ولفت عني تبي تهملني مسكت ايدها حلفتها بغالينها بانها تسمع باقي كلامي قلتلها ان حبي لديرتي زاد لاني اشوف الوطن بعيونك وشم عبيره بكلامك انتي بكره انتي مستقبلي سكتت خفت ازيد عليها الكلام اجرحها او اضايقها لين وصلنا المستشفى وهي ساكته وخلتني بحيرتي وراحت مشت وعيوني تتبعها
محسن: مشعل انا مدري شقول بس هل مره عدت بس المره الثانيه بتندم
مشعل: انا راضي بكل اللي يجني بسبتها بس ترضا علي
محسن: مشعل لا تندفع بحبك لها كذا اخاف الحظ مثل ماجابها لي عندك يبعدها
مشعل: الله لا يقوله انا قررت ابيها اول ما ارد بخطبها
محسن: طيب شنو الكلام اللي قالته و كدرك
مشعل: قلتلها اني اعد ليام عشان ارجع الكويت قالت غريبه قلت ليش قالت بحكم شخصيتك قلت شنو تعرفين عني وعن شخصيتي وياليتها ما قالت اخاف انها تكرهني
محسن: شقالت
مشعل: اني مغازلجي وراعي سوالف وان هذا معروف عني بالعايله
محسن: انت اللي جبته لنفسك بطيبتك ونيتك الصافيه لين كسبت سمعه اكبر بواجد من اللي تسويه
مشعل: وانا شنو سويت قولي كلمت بنات نص الشباب كلمو طلعت مع وحده أي بس عمري ما تلاقيت بغير مكان عام وباقتناع من البنت نفسها حدودي ولاتعديتها انا ايد بنت مامسكت غير رهام
محسن: مشعل هذي حقيقه لا تحاول اتهرب او ترقع لعيال عمك وربعك اكثر من كذا
مشعل: لا هذا كلام حريم مو من عيال عمي
محسن: تبيني اذكرك كم مره كلموك عمامك وابوك بخصوص السالفه هذي من اللي قالهم قول انا؟ انت؟ منو ؟ عيال عمك صح
مشعل: خلاص محسن تعبت لا تعيد بهالسالفه مالي غنى عنهم مهما صار
محسن: اجل تحمل اللي بجيك
سكتنا شوي ...
محسن: المهم تبي تقول للبنت ولا بتفاجئها
مشعل: شرايك انت
محسن: قولها عشان تفكر بجديه فيك وتفهم قصدك
مشعل: بحاول
مر الشهر مثل عقارب الثواني وما قدرت اعرف شعور رهام صوبي اللي خلاني اخاف تصدني وحاولت ابينلها قراري بس للاسف عمي ما عطاني مجال الله يسامحه , لين اليوم اللي قبل الاخير
مشعل: يووووه مليت ابي اكلم البنت كلمه مو قادر وهي المسكينه تستحي منه
محسن: اشر سو أي شي
مشعل: احب التناحه.. بذمتك هذا موضوع ينقال بالاشاره
محسن: مافي غير الحل هذا
مشعل:ممممم .............لا في.. اكتب لها رساله
محسن: يا سلام على الافكار جيب ورقه وقلم بسرعه
مشعل وبنظرات استغراب وانانيه: خير نعم تبي شي ؟؟؟
محسن: نكتب الرساله
مشعل: لين الرساله ووقف مستغني عن الخدمات
محسن: لا؟؟ ماشي.. مردك لي اصلاً وش انت من غيري
مشعل: ضف وجهك وجيب ورقه وقلم
كتبت الرساله وياكثر ماشقيت ورق كنت احسب ان الافلام العربيه تبالغ بمسألة تقطيع الورق لين جربتها ومشكلتي كانت مع المقدمه.. مره اقول حبيبتي ومره رهام ومره بنت عمي العزيزه لين صكني راسي من العوار.المهم رسيت على حبيبتي وكتبتها والله سهل علي وحطيتها بجنطة رهام وعطيتها خبر
وصلتهم للمطار والقلب حزين كنت انازع العبره واخشها بصدري لو انها مو عيبه بحق الرجال لفجرت دموع ما بكاها طفل فقد امه ..
حس فيني عمي ابو محمد وضمني لصدره وحاول يهديني ورديت عليه وقلت الغربه شينه وانا مو ذابحني الا فرقى رهام
سافروا وهملوني اروح ورد على شقتهم اتأملهم فيها واقعد بكل ركن يحمل عبير انفاسهم وصارت مثل العاده كل يوم لازم اقعد ساعه في الشقه بعد اذن اصحابها لين دش علي محسن
محسن: وبعدين؟؟
مشعل: انطر........واصبر ............واحاتي...........وافكر
محسن: بيغير شي اللي تسويه ؟؟
مشعل: لا.. بس.. مو بيدي
محسن: طيب ليه ما تتفائل بالخير ؟
مشعل: لان كله موجود لحتمالين القبول ورفض
محسن: هانت كلها سبوع ونرد الكويت وتكلم عمك
مشعل: اخاف اتفكر فيني من الناحيه اللي قالت عنها
محسن: عين خير وقوم ترى قعدتك اليوميه بالشقه مالها داعي
مشعل: تدري اذا خذيت رهام وين بقضي معها شهر العسل
محسن: وين يا قيس؟؟؟
مشعل: بهذي الشقه
محسن: هذا مكان انت ووجهك انا خلني اخلص اذا رديت لقارت امريكا ماني برجال
مشعل: انت ماتدري
محسن: لا ادري بس الدراسه والغربه كرهتني كل ارض ورا حدود الكويت
مشعل: بملك عليها الحين وكمل الكورس الاول ونتزوج على شهر 3 الجاي
محسن: قول انشالله
مشعل: انشالله مايخيب ضني
رديت الكويت وكلمت ابوي وفرح لي هو ويا امي وخذاني ابوي ورحنا لعمي وكلمناه وكان رده نفس بنته لايزعل ولا يريح تقدرون تقولون يريح
وقال بسأل البنت عن رايها وارد عليكم ,وطال الصبر وخلص وانا انطر ولا من مجيب والهواجس تلعب فيني يمين ويسار محسن يحاول يخفف من توتري بس مسكين تعب اكثر مني ,ولي زاد الطين بله ان قررت العايله انها تطلع شاليهات يعني ان الرد بعد اسبوع ثاني واصبر يا مشعل بس الصبر خلص وما قدرت لازم اكلمها شلون مادري بس بكلمها،طرت في بالي فكره مجنونه ناديت خدامتهم وعطيتها عشر دنانير وقلتلها نادي رهام وقولي بابا يبي في الشاليه وراحت وهي تضحك وتكلم بلغتها اكيد تسبني
والحمد لله ان الحريم كلهم سهرانين على البحر والشباب بشاليه الثاني, كان لمبات الشاليه مطفينها دخلت ونطرت لين جات
كلمتها وشرحت لها الحاله وشصار فيني وعلمتها اني مستحيل اعيش من دونها بعدها قالتلي انها تخاف تزعل امها وخواتها
وبعد مناجاه اعترفت لي بحبها ولو بوصف شعوري ساعتها ذاب الورق من الكلام مثل الضميان اللي سقوه مثل الغريق اللي انقذوه ,كنت ابي اضمها لصدري بس خفت اتذوب بين يديني من حر شوقي مالقيت غير الدموع اللي تستاهل ابكيها على قدمها هو ذل بس احلى ذل ,"وببكــــــي......... وبعد البكا............ ببكـــــــي واستريح" دفنت وجهي بين كفوفها وهي من قوة الموقف جسمها كله ارتجف مثل المحموم ودعنا بعض والقلوب متعلقه" سهرنـــــا والهوا واحد ............وسرنــــــــا والفراق ثنيـــــن "مشت و نسيت كلي معها ياكبر مانسيته"سقى الله روض خلانــــي.............. رحلت ومارحلت بعين ...............ولاقلب ولاوجدان نسيت بدارهــــم ..................انسان نسيت وما نسانــــي البيت"
ملكت وعشنا احلى ايام من حب وغرام ورجعت للغربه اشتاق لها كل لحظه انام على انفاسها حبيت حب بجنون لجل ذيك العيون كتبت الشعر فيها ومنها ولجلها , مره كنت اكلمها وكانت في المطبخ تسوي عشى لخوانها
رهام: مشعل صكه مقدر اكلمك واطبخ
مشعل: مشكلتج مفروض انج مفضيه نفسج كافي انج حاكمه اني ما اكلمج الا مرتين بالسبوع
رهام: كيفك ترى ما راح ارد عليك
مشعل: مو مشكله بس لحد يطيحني بالقدر
رهام:هههههه ههههه......"آي،،،،،،،،،،اح"
مشعل: شفيج؟:؟:
رهام: آي قلت لك صكه احترق اصبعي
مشعل: يعورج
رهام: يحرق
مشعل: خلاص اكلمج بعدين بس مستحيل اعيش من دونك
رهام:وانا بعد آي
صكيته والله بدون مبالغه رحت المطبخ وحطيت ماي يغلي وحرقت اصبعي عشان احس بالي تحسه سموني اذا تبون مجنون غبي بس هذا اللي صار
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:24 am


وجا الشتا احلى فتره في الكويت اللي يسافر عنها غبي وماعنده سالفه لان عندنا طقوس لهذا الفصل وكل ربعي تجيهم اغلقه"ملل" بهذي الفتره
ناصر: الله الحين الخيام دوه وذيك القهوه وحليب الزنجبيل وسوالف آآآآآه تكفون ببكي
مشعل: انا اللي ببكي الحين عود ودق وسمر وذيك السوالف اللي تسهر لها ودفى الضو ياويلييييييي
محسن: بالنهار يدورون فقعان وينضفونها ويكبسونها على عيش وباليل يطردون جرابيع وضحك ومن يجمع اكثر ااااف
كل الشباب قمو وطقوا محسن
ناصر: ليه يعني ماتقدر تفكر وتحسر بصوت واطي لازم تضيق خلوقنا
سلمان:تكفون من يشلني وقطني في البحرين
قمت ودشيت غرفتي وكلمت رهام وقالتلي عن الجو وانها تتمنى شوفتي معها
صكيت منها وانا اقول العن ابو الدراسه والكتب اللي تخلي رهام تتمنى شوفتي ومن حسن الحظ ان كان عندي 4 ايام فاضي حجزت للكويت وحبيت افاجئها بعيد ملادها
وصلت باليل وعلى طول رحت المخيم وتواجهنا وسهرنا طول الثلاث ايام مع بعض ويا حلو ذيك الايام
رجعت لدراسه للهم لسهر وللغربه , كان اتعس اشهور حياتي من بدايتها لنهايتها
والبدايه ان ربعي كلهم تفرقوا , اللي خلص واللي تزوج واللي حب يريح كم شهر ويوقف قيده , حتى محسن توفى ابوه واضطر انه يرد للكويت
حسيت ان الوحده تذبحني لا تخنقني , تخيل انك تقعد سبوع بدون لا تسولف مع احد من ديرتك او حتى واحد عربي ,لين تعرفت على شاب خليجي يدرس طيران واسمه طلال, حسيت انه طاح علي من اسم , خذاني وعرفني على ربعه وكانوا شباب غشمرجيه "خفيفين الدم" ذكروني بربعي وحبيتهم , وبصراحه كنت مضطر احبهم لين يرد محسن , بس مو معنا كلامي انهم مو شباب طيب بالعكس كانوا اذا طولت عليهم يسألون عني او يجون شقتي ,خصوصن طلال كان معاي انسان محترم وسولفتله هو وشباب عن نفسي واني بتزوج اول مارد فقال
طلال: صالح ابو الشعل طلع خاين وما يبينا نفرح فيه
صالح: افى عليك يا مشعل ماقلت لنا عشان نقوم بالواجب
مشعل: ماله داعي انا بعد شهرين وبرد الكويت
طلال: والله ما تسافر الا بعد مانحتفل فيك ونسويلك سهره على كيف كيفك تودع فيها العزوبيه ههههههه
مشعل: يا جماعه ماله داعي تكلفون على نفسكم
صالح: مالك شغل احنا ننطر مناسبه عشان نحتفل وكاهي جات, من لنا اغلى منك
طلال: ولا تنسى اني حالف عليك
مشعل: خلاص اللي يريحكم
وتفقنا ان الحفله تكون بعد يومين بشقت طلال , وجا اليوم اللي دفعت فيه ثمن كل غلطه غلطتها في حياتي وكل يوم بعدت فيه عن ربي وكان العقاب الالاهي أليم آآآآآه
المهم طلعت من شقتي الساعه 9,0 باليل وبالي ان شباب بيطلبون مطعم او بيطبخون بالبيت او نسهر برا
استقبلني طلال بترحيب حار , واول مادخلت تفاجأت بالمزات والخمرا بجميع انواعها
مشعل: طلال شنو هذا؟؟؟؟؟
طلال: شنو؟
مشعل: انتوا تشربون خمر
طلال : من اللي قال؟
مشعل: واللي اشوفه قدامي؟؟؟؟
طلال: هههههه هههههه صالح الحق
صالح: تعال يا ابو الشعل هذي مشاريب مخففه يعني مخلوطه اذا وديتها مختبر يطلع ثلثها كحول بس
مشعل: لا ياشيخ تلعب على منو
جاني ومسك ايدي وقعدني بينه وبين طلال
طلال: الحين شارينها بشي لفلاني ومتخسرين وخرتها ما تشرب ياخي اخذ كاس واحد ومجه هههههه هههههههههه
كل اللي في الشقه هههههه ههههه هههههه
مشعل: الشرهه علي اللي جايكم
وجيت بقوم مسكني صالح
صالح: لا .....لا والله ما تطلع يأخي نمزح معك اقعد بس شرفنا ولا تشرب
طلال: أي لا تشرب شوف بس
ومرت اول السهره وانا ماسك نفسي ومتحمل لين لعبنا ورقه ومن شروط اللعبه ان المغلوب ينفذ كلام الغالب, وانا وصالح وثنين من الشباب فريق وطلال ومجموعه معاه فريق . ونغلبنا
طلال: ههههه هههههه ياويلكم والله لمصخركم اليوم
صالح: اخلص علينا
طلال: ماابي غير مشعل والباقي اعفاء مني
مشعل: انا ماشي مردي بغلبك
طلال: ابي مشعل يشرب كاس
مشعل: معصي ضف وجهك
صالح: يبن الحلال كاس واحد ولا تنسى مخفف والحرام لما تسكر وانت لو شربت منه عشر بطول ما تسكر
زينها لي الشيطان واكذب عليكم اذا قلت اني بعد غلطان اني تبعت هوا نفسي وسمعت كلامهم , ويمكن تستغربون ان واحد مثلي عاش نص شبابه برا يعرف هذي السولف, بس هذا اللي صار والملل والوحده اللي حدتني عليهم والله يقطع ابليس
خذيت كاس وبعده كاس ولواني مو متعود غيبت بسرعه وسكرت ومااذكر كم كاس خذيت يمكن خلصت نص بطل , واللي اذكره من ذيك الليله
اني كنت منسدح على الكنب وشفت الوان وصوت بنات وتلفت حولي لقيت الربع ادخلوا داخل الا انا قعت بصاله بروحي لاني كنت مو قادر امشي , غمضت عيوني وما قمت الا على وجه عجوز اجنبيه المكياج حاول يخفي عيوب السن والكبر بس هيهات, كانت تكلمني بس مدري شتقول .
مدري شقولكم اقول اللي صار معاي ولا فهمتوا ’المهم صارت الرذيله وبين ما انا مغيب حسيت مثل التيار اللي لسع جسمي ,فزيت بسرعه دزيتها حاولت تمسكني رفستها طلعت من الشقه اركض مثل المجنون مدري وين اروح , يمكن ركضت ساعه لين طحت من التعب وبكيت , مو بكي كنت انهج وانتحب مثل الحريم ؟ليه سويت كذا ليه , وقعدت افكر وفكر لين قررت اني انسى كل اللي صار وكان الله غفور رحيم
رديت لحياتي العاديه بس كنت اكره نفسي لتذكرت اللي صار وشوقي المحسن كل يوم يزيد وينك يا محسن هذا وقتك انا محتاجلك
صدق ان رهام كانت معاي بكل لحضه بس هي بعد حست ان في شي مضايقني ويا كثر ما الحت علي عشان اقولها بس شقول سواد وجه آآآآآه
وبعد شهر من السالفه قمت على صوت محسن
محسن: مشعل انت يا كيس النوم قوم
مشعل: محسن انت رديت
ضميته لصدري وتذكرت وبكيت على كتفه .صدق ان الحرام يتعب الواحد نفسين ويخرب عليه حياته وهذا اللي تربيت عليه واللي تربا عليه محسن
محسن: مشعل شفيك انت تبكي
مشعل: ليه بطيت علي
محسن: انت تخوفني قول شفيك؟؟؟؟
قلتله السالفه ونصدم ودزني بعيد عنه
محسن: انت شسويت تبي تفهمني ان الخمه اللي تعرفت عليهم هم اللي حدوك على الحرام . وين دينك وين صلاتك والاهم عقلك وين كان ,ابيك تقولي كم مره واجهنا نماين من هذي الناس وضحكنا عليهم واليوم جاي تقولي ضحكوا عليك .......... طيب خل الدين والعقل رهام ما فكرت فيها انت لو تحبها كان بعدت عن هذي لشكال ....انت خنت رهام وخنتني وخنت ربك
سكتنا وخلينا الدموع هي سيدة الموقف
محسن: انت ........ انت غبي.........غبي قوم معاي بسرعه
مشعل: وين ؟؟؟
محسن: اقرب مستشفى اكشف عليك قوم
مشعل: لا ....... انا متاكد ان مافيني شي
محسن: انا ابي اتاكد ........الله يخليك قوم
رحنا المختبر وسوينا تحليل دم وقعدنا ننطر ساعه
محسن: انا ابي ادق على فواز "رفيق محسن يدرس طب"
مشعل: لا ..............لا تدق تبي يعرف وثاني شي هو مسافر
محسن: لا رد طيارته كانت معاي وبيقولنا شفيك واللي لازم التسويه اخاف ان المره مريضه وانت على وجه زواج وبساعدك
مشعل: كيفك
محسن: طبعاً كيفي ولا لك كلمه
كان معصب علي وزعلان وما الومه صدمته وهو مو بحال مصايب كافي موت ابوه
جا فواز وقاله محسن عن كل شي ودخل المختبر وبعدين طلع نادا محسن, ومحسن مشى بسرعه صوب البوابه وخلاني وياه
مشعل: محسن .......يا محسن
فواز: خله الحين بيجي
مشعل: شفيه في شي؟؟؟؟
فواز؛ تعال معاي وانا بقولك
خذاني لغرفه صغيره وقال
فواز:انت بحكم علمي فيك رجال مأمن بحكم الله . وتدري ان ربك ما يختبر ولا يمتحن الا عباده الصالحين , وبشر يا مشعل ان ربي اليوم اختبرك وبيك تقولي انت راضي بحكم ربك مهما صار
مشعل: سبحانه راضي بكل اللي يعطيني بس قولي شنو فيني؟؟؟؟
فواز: شوف التحاليل اوليه وفيه تحاليل ثانيه بعد اسبوعين هي اللي بتاكد الموضوع
مشعل: فهمت بس ما قلت انا شنو فيني؟؟؟
فواز: ..........ايدز
مشعل: هااااااااااه ...........ايدز؟؟؟؟
طحت من طولي
فواز : اذكر الله انت عبد مؤمن وقول الحمد لله على كل شي .......قول
كنت مثل المخدر.......انا ايدز ليش من غلطه وحده ....معقول تتوقعت كل شي حتى السرطان بس ......ايدز ليه .......حرام
دخل علينا محسن
محسن: مشعل قوم التحاليل اوليه وانشالله خير قوم معي
مشعل: انا .......ايدز ...........محسن..........آآآآآآآه
محسن: اذكر الله
مشعل: ياربي ارحمني وغفرلي يا ربي اطلف فيني ......
محسن: بارك الله فيك اذكر الله يذكرك
شالوني لشقه مثل الميت مدت اربع ايام ما تعديت سجادتي ومحسن كل يوم يقرا علي لين
محسن: مشعل رد الكويت
مشعل: ارد شقول لهلي شقول لرهام ..........آآآآآه يارهام
محسن: لاتقول شي الموضوع توه ومو متاكدين
مشعل: محسن خلني هني او قطني باي مصحا للايدز لين اموت
محسن انفجر يبكي وضمني
محسن: انا لين اموت معاك ولا اخليك حتى لو طلع المرض فيك بفر فيك العالم ودور علاج لك
مشعل: هه ........علاجي عند ربي ........خلني انا ان ما ذبحني المرض بيذبحني الندم والحسره على رهام اللي راحت من ايدي بغلطه
محسن: نفسيتك بين اهلك بتكون احسن وانا برد وياك واما اتحاليل بخلي فواز يدزها فاكس على طبيب خاص وبشكل سري
مشعل: انا ما ابي اعذبهم ولا اقهرهم علي انت رد الكويت وقول مات او ضاع أي شي
محسن: عشاني يا مشعل وانا اذا قلت ردني لامريكا بردك
الح علي وترجاني عشان ارد الكويت واضطريت عشانه ارد, اما رهام حاولت اكرها فيني بس فشلت كانت كل مره تتصل ما ارد عليها وقلبي يتقطع وبين ما انا ومحسن في الطياره
مشعل: بطلقها
محسن: لحول ولا قوه الا بالله انت ليش تفكر كذا ارحم نفسك
مشعل: انا بقولك شي عشان توقف من محاولاتك باقناعي ان ما فيني شي ...انا لما كنت مع ذيك المره حسيت بشي سرى في جسمي وبدمي خلاني افز من سكري .....تدري شنو هذا......الايدز حسيته بدمي سرى
محسن: غلطان المرض ما يجي بيوم وليله يحتاج ايام على ما ينتشر في الجسم
مشعل: انا ما اقصد انه جاني حزتها لا بس العدوا حسيتها بدمي .........انا متاكد
محسن: انت لما قلتلك بكشف عليك قلت متاكد ان نا فيك شي والحين متاكد ان فيك شي
مشعل: بس خلاص لا تعلقني بخيوط من هوا انت تحطمني
سكتنا
مشعل: خلاص قررت بطلقها
رديت الكويت والكل كان فرحان فيني ويحسب اني جايب الشهاده وانا اللي جايب معي مصيبه وفضيحه
بدت حالتي تدهور يوم بعد يوم , وكل ما اتذكر رهام اتعب اكثر , لين ابتعد عقلي عن الدنيا كلها وصرت مثل الميت والناس ميتين, عشت مع ذكرياتي مع رهام واليام اللي عشنها ,كونت لي حياه من تخيلات بعدت فيها عن الواقع بمره, لين انقطعت حياتي مع الحياه حتى بالعمليات الحيةيه اللي سويها الانسان عشان يعيش كانوا اهلي يسونها لي , لو تسالوني وش تذكر اقول اللون لسود وبس....و اني قلت لامي وابوي"قولوا لرهام انتي طالق بثلاث"
انتها احساسي بالوقت يمكن مر ساعه او اسبوع او سنه ما كنت ادري ولا
بس بين الحطام واليأس جاني الطير اللي جاني وغير حياتي ,,,,,



راس رهام على ركبي ودموعها تجرح خدها الصافي وتقول بصوت خانقته العبرات" مستحيل اعيش من دونك " ناديتها بدون وعي مني وبدينها اللي دفنت دمعي فيها ظمتني وذبت بدفى صدرها وتنهدت تنهيده يشيب راس الطفل منها ,,,,,احتوتني واعتبتني عتاب احلى من كل غزل ,وما قدرت اسكت وهي اللي جاتني بنفسها ,,,,,قلت لها كل اللي صار بدون أي نقصان
الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:24 am


الكاتبه:
وهني خلص كلام مشعل ورهام والتكمله انا اللي بقولها
واخذوا المشهد كامل,,,,,,,,,,,,,,,,,,,,,,,,,,






عتاب
شرح مشعل اللي صارله الرهام وبكل شي صارحها وكانت ردت الفعل
رهام: ههه انت شتقول ............لا .......انا اموت من غيرك اموت
وقامت تصارخ بعلى صوتها لين تجمعوا اهل البيت
رهام: مشعل..........ما اخليك ............بموت
ام مشعل: رهام اسم الله عليج اذكري الله
ابو مشعل: يا بنتي الزواج قسمى ونصيب
مشعل: يمى خلوني معها شوي
رهام : ليه يا مشعل ليه انت ما تحبني وين حبك وين كلامك آآآآآآآه
ابو رهام دش وجر رهام من ايدها
ابو رهام: انا شنو قايل لش الله ياخذ البنات وخلفتهم قدامي
رهام مسكت ايدين مشعل لين اجرحته باضافرها وبوها يجرها
رهام: يبه الله يخليك ............طقني دوسني برجولك بس قول اني احلم
مشعل: رهام بس حرام عليج ارحميني
ابو رهام: بس قصيتي وجهي
رهام ماقدرت تستحمل طااحت من طولها
ودوها البيت ومنعها ابوها من الطلعه او الدخله
الكل كان مفكر ان مشعل خون برهام وخلاها وان رهام ما قدرت تستحمل فكرة بعده ومحد كان يدري باسالفه غير مشعل ورهام ومحسن
رهام كانت التفكر انها تكلم مشعل بس ابوها خذا التلفون منها ومكان قدامها الا انها تسرق تلفون اختها وتدق على مشعل
رهام: الو
مشعل: رهام انتي بخير ؟؟
رهام بكل برود: متى بيجي الفاكس
مشعل: يوم الثلاثاء
رهام: مر علي الصبح قبل لا تروح
مشعل: ليه؟؟؟؟؟
رهام: ليه؟؟ لاني بروح وياك واذا ما مريتني بجي نفس امس
مشعل: بس انا وياي محسن
رهام: مالي شغل ..........انطرك اذا تاخرت بجيك
مشعل: خلاص الثلاثاء الصبح
صكوه من بعض وقلوبهم متعلقه ,,وخايفه من يوم الثلاثاء اليوم اللي راح يبعدهم او يقربهم. رهام ماتدري شتسوي بالمصيبه اللي حلت عليها تعرف شي واحد ان مشعل هو الهوا اللي تتنفسه والقلب اللي مستحيل تعيش من غيره .....اما مشعل فكان يغلب عليه الراحه من صوب رهام لان اذا ثبت المرض عليه بتكون رهام على بينه واذا طلع سليم يكون مصارحها بسبب تغيره عليها
مشعل دق على محسن وقاله عن كل شي صار
محسن: خلها على راحتها
مشعل: اخاف اذبحهى من القهر لثبت علي المرض
محسن: راح تنسى وتعيش حياتها
مشعل: وانا ما ابيلها غير انها تنسانى وتعيش حياتها
جا يوم الثلاثاء ومحد من الثلاثه ذاق النوم ولا الزاد وقلوبهم ترجف من الخوف
مر محسن على مشعل وخذاه وراحوا بيت رهام وطلعت لهم بسرقه
وطول الطريق الثلاثه ساكتين ورهام طول الطريق يدور في ذهنها خاطره وحده
يعني انت تتألم وانا ما تألــم
انا على فكره حياتي أليمــه
انا حياتي كلها هم في هـــم
صدمات عمري من زماني عضيمـه
واذا على الاحزان ماعدت اهتــم
الحزن انا وياه علاقه قديمـــه
ومشعل يحس ان الدرب طويل مع انه ما تعدى عشر دقايق
وصلوا عيادة الطبيب وعند الدكتور
الدكتور:تفضل مشعل انت واللي معاك استريحوا
محسن: الله يخليك يا دكتور قول شنو نتيجت التحليل
الدكتور: مشعل
مشعل: نعم
الدكتور : انت ما فيك شي التحاليل كلها تاكد الشي هذا وتحليلك الاول كان غلط
محسن ظم مشعل وبوس راسه
محسن: وربي اللي رفع سبع اني كنت حي والقلب ميت ...آآآآآآآهه
رهام ارجولها ما شلتها من لفرحه
مشعل: دكتور انت متاكد
الدكتور: وابصم لك انك سليم
محسن: يعطيك العافيه دكتور
رهام انفجرت تبكي وتضحك
ومشعل يحمد الله ويشكره ومحسن مثل الولد الصغير اللي كانت امه ضايعه منه ولقاها متمسك بمشعل وكل شوي يبوس راسه ويحمد ربه
وصلهم محسن: ترى سالت شيخ وقال ان الطلاق غير جائز من عدة نواحي يعني مازلتوا ازواج ولا تنسوني اعزموني على العرس والحين يلا اذيتوني وعورتوا راسي
وفي بيت رهام والبلحوش لان ما قدروا يصبرون اكثر
تلاقت قلوبهم بعد حزن وهم وعذاب
مشعل وهو ضام رهام: آآه......تذكرين حلمج اللي حلمتيه
رهام: الله لا يعيده
مشعل: تحقق بس الحمد لله انه ما خيب ضننا وجمعنا من جديد
رهام: تدري اني كرهتك
مشعل: كذابه
رهام: كنت ابي اكرهك بس ما قدرت
مشعل: تبين نسوي عرس ولا نسافر ولا اذا ردينا سوينا عرس
رهام: وشنو فايدة العرس عقب ما نرد يا الحين ولا خلاص
مشعل: بصراحه صرت اخاف وانتي بعيده عني ومو قادر اتحمل بعدج
رهام: حتى انا مصرت اقوى
هد مشعل رهام
مشعل: وين عمي
رهام: يووووه يا ويلي منه
مشعل: وينه ؟
رهام: ليش؟
مشعل: ابي اخذ منه جنطتج وجواز ج
رهام: الحين؟؟؟
مشعل: الحين لاني خلاص فعل مو كلام مستحيل اني اعيش من دونج<<




وهــذي النهــااايــهـ <<

اتمنتــى اعجبتكــم القصـــهـ <<

وادعـــو إن اللــهـ مـاايفـــرق بيــن رهــاام ومشعــل <<
الرجوع الى أعلى الصفحة اذهب الى الأسفل
Sonah Cute
مـــجـــ أنثى ــــرد
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:29 am

مرررررررره نايسوووو ..




ثانكسـ البو ..

_________________


الرجوع الى أعلى الصفحة اذهب الى الأسفل
smso0oma
عايشه على الذكرى
avatar


مُساهمةموضوع: رد: مستحيل اعيش من دونك>>> روايه كويتيه   الأحد مارس 22, 2009 11:34 am

العفو حبيبي
الرجوع الى أعلى الصفحة اذهب الى الأسفل
 
مستحيل اعيش من دونك>>> روايه كويتيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبيه :: قصص وروايات-
انتقل الى: