السلام عليكم ورحمة الله وبركاته
ابغى احكيكم قصتي اللي صارت مع حبيبتي
انا من زمان نفسي اقول قصتي لكل الناس ابغاهم مايطيحو في الغلط اللي سويته انا
انا كنت احب وحدة تقربلي تصير بنت عمي
والله حبيتها من قلبي المهم عرفوا اهلنا بهذا الموضوع
وانا قررت ابعد عنها عشان خايف من المشاكل
وكلمني اخوها مع انوا أخوها كان صاحبي الروح بروح
ولمن دري عن الموضوع زعل وماصار يكلمني
؛؛؛؛بس لمن افترقت عنها رحت وقلت انا خلاص سيبتها
وانا اعتبرها زي اختي رغم اني لسه احبها
بس اوهمت نفسي بانها اختي الين ماعدت 3 سنوات
وانا من جد خلاص حسيتها زي اختي
كنت أشوفها كل جمعة لمن تتجمع العيلة ...
في يوم لمن كانت العيلة متجمعة مدري ايش اللي جاب سيرة الزواج
فقلت يلا عقبالك انتي كمان
طالعت فيا نظرة مدري هيا نظرة حزن مدري هيا ايش
المهم ماعطيت اهمية لهذا الموضوع
وبعدها اتعرفت على بنت من النت لوج
حسيت اني حبيتها وصارت معاملتي مع بنت عمي من جد كانها اختي
وفي يوم من الايام صار اللي ماكنت ماتوقعوا
>>>بنت عمي ماتت<<<
تخيلوا ماتت
وانا ياما جرحتها بكلامي كانت تقولي بعد ماسبنا بعض
انت لسه تحبني ؟انا ايش بالنسبة لك؟
كنت اقلها احبك حب اخوة لااقل ولااكثر
وكنت اجرحها عشان تنساني
بعد ماجاني خبر وفاتها
كنت ابكي صح...ماكان هذاك البكا القوي
وبعد وفاتها لمن صرت اروح يوم الجمعة بيت سيدي
عشان اهلنا هناك
من جد افتقدتها افتقدت شيطنتها ضحكتها
رجتها افتقدت كلامها اللي كان بلسم لجروحي لمن اكون متضايق
كانت هيا تسمع هموم اولاد وبنات خالاتها وعماتها
عمرها ماقالت لاحد همومها وكانت تكتم في قلبها
انا ماكنت ادري انها زي كذا
لكن اكتشفت انوا لسه حبها في قلبي كنت اقول انها زي اختي
يمكن عشان كل جمعة كنت اشوفها
لكن لمن ماتت وربي ندمت اني قلتلها انا ماأحبك
ندمت لاني قلتلها انتي زي اختي ندمت اني ماكنت اتصل اتطمن عليها كل يوم.......واشياء كثير
بس ما ينفع الندم الحين
>>>>>>نفسي اضمها نفسي بس لو اشوف ضحكتها<<<<<<
وحشتني وحشتني وحشتني وحشتني
تخيلو كانت كاتبتلي ورقة حاطتها فعلبه وحاطه العلبه في درج التسريحة
وانا درجي هذا ماافتحه غير في السنة مرة
المهم لمن فتحت الدرج استغربت ايش جاب هذي العلبة عندي
فتحتها وشفت ورقة مكتوب فيها
...الى حبيبي...
انا عارفة اني ماراح اعيش كثير
بس ابغاك تعرف اني احبك وعمري مانسيتك ابغاك تعرف اني عمري مااتمنيتلك غير
السعادة
وحتى لمن حبيت بعدي صح انا زعلت في البداية لكن دعيت ان ربي يوفقكم مع بعض
بعد موتي ماابغى اشوفك زعلان وحزين واذا في يوم كنت مضايق وحزين
لاتكتم في قلبك تعال وكلمني حتى لو ماكنت قدامك حتى لو ماكنت شايفني
بس صدقني حكون سامعتك
...احبك...
تخيلو هذا اللي كتبتوا قد ايش انا كنت حقير وحيوان لمن سبتها
ااااه والله ياناس نفسي ترجعلي نفسي بس انطق اسمها
وتقولي نعم زي زمان
بعد ماقريت الرسالة رحت بيت اهلها ودخلت غرفتها
وربي بس اشوف صورتها ابكي
واجلس اتكلم مدري ايش اقول
جيت ابغى انام فوق سريرها لقيتها حاطة صورتي تحت المخدة
اختها تقولي كانت دايما قبل ماتنام تقلك تصبح على خير وتبوسك وتقول احبك
حتى لمن تصحى
كانت لمن تكون متضايقة كانت تكلم صورتي
كانت تقول اللي في قلبها
تعرفوهذيك النظرة لمن قلتلها عقبالك انتي تتزوجي ماكنت عارف ايش معنى هذيك النظرات
بس دحين عرفتها
عرفت انوا نظرتها كانها تقول صدقني ماراح يجي هذا اليوم لاني ماحكون موجودة
نصيحة مني لكل واحد يحب
لا يفرط في حبيبته حتى لو سيبتو بعض ارجعو لبعض
لايجي اليوم اللي تندم فيه لانك سبتها ووقت ماتبغى ترجعلها ماتلاقيها فيه
ولاتقول بعد ماتسيبها
انك ماتحبها صدقني انت تحبها بس تكابر
اسمعو كلامي ليومكم هذا وانا ندمان
يااااارب رجع كل حبيب لحبيته ولاتفرقهم عن بعض
امييييييييييييييييييييين يارب العالمين
امانة في رقبتكم ارسلو هذي الرسالة لكل الي تعرفوهم
موضوع: ليش سويت كدا؟احبك 
السبت يونيو 27, 2009 6:48 pm